އޮމަދޫ ވޮލީ ކޯޓުގެ މަސައްކަތް ހަލުވި ދުވެލީގައި ކުރިއަށްދަނީ

އދ. އޮމަދޫ ވޮލީ ކޯޓުގެ މަސައްކަތް ހަލުވި ދުވެލީގައި ކުރިއަށްދާކަން މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގ ކޮމްޕެނީ (އެމްޓީސީސީ)އިން ހާމަކޮށްފިއެވެ.

އެކްސްގައި ކުރި ޕޯސްޓެއްގައި އެ ކުންފުނިން ބުނީ، މަޝްރޫއުގެ ދަށުން އެ ސަރަހައްދުގައި ކުރިއަށްދަނީ ފެންސް ވެލްޑިންގ ކުރުމުގެ މަސައްކަތް ކަމަށެވެ.

Project Update: Construction of Outdoor Volley Court at ADH. Omadhoo

Fence welding works are currently ongoing at the project site.

Follow more updates at: https://t.co/RjAFCf3rnI#MTCCProjects #TeamMTCC #RayyithungeKunfuni #GaumuBinaakurumugaaMTCC pic.twitter.com/nfQiLlUoYN

— MTCC Plc (@MTCCPlc) August 13, 2026

އދ. އޮމަދޫގައި އެޅުމަށް ހަމަޖެހިފައިވާ ވޮލީ ކޯޓުގެ ޢަމަލީ މަސައްކަތް ރަސްމީކޮށް ފަށާފައި ވަނީ މިދިޔަ އަހަރުގެ އޮކްޓޯބަރު މަހުގެ ތެރޭގައި ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު އަރިއަތޮޅު ދެކުނުބުރިއަށް ކުރެއްވި ދަތުރުފުޅުގެ ތެރެއިންނެވެ. 

މަޝްރޫއުގެ ބިންގާ އެޅުއްވީ ކުޅިވަރާއި ހަށިހެޔޮކަމާ ބެހޭ ވަޒީރު ޢަބްދުالله ރާފިޢުގެ އިތުރުން، އެމްޓީސީސީގެ މެނޭޖިންގ ޑިރެކްޓަރު، ޑެޕިއުޓީ ކޮމިޝަނަރ އޮފް ޕޮލިސް (ރިޓަޔަރޑް) އަޙްމަދު ސަޢުދީއެވެ.

އޮމަދޫ ވޮލީ ކޯޓުގެ މަޝްރޫއަކީ 1.24 މިލިއަން ރުފިޔާގެ ޚަރަދަށް، 120 ދުވަހުގެ ތެރޭގައި ނިންމުމަށް އެމްޓީސީސީއާ ހަވާލުކޮށްފައިވާ މަޝްރޫއެކެވެ.  

މި މަޝްރޫޢުގެ ދަށުން ކުރުމަށް ހަމަޖެހިފައިވާ މަސައްކަތްތަކުގެ ތެރޭގައި، ގަނޑުގެ މަސައްކަތާއި، ކަރަންޓު މަސައްކަތާއި، ޓަރފް އެޅުމާއި، އިކުއިޕްމަންޓު ހަރުކުރުން ހިމެނެއެވެ.

އޮމަދޫގައި އަޅާ ވޮލީ ކޯޓުގެ ވެގެންދާނީ، ކުޅިވަރު ތަރައްޤީގެ ދާއިރާއިން އެ ރަށަށް ލިބިގެންދާ މުހިންމު ކުރިއެރުމަކަށެވެ. 1،200 ވަރަކަށް މީހުންގެ އާބާދީއެއް އޮންނަ އޮމްދުއަކީ، ރާއްޖޭގެ އެހެން ރަށްތައް ފަދައިން ކުޅިވަރަށް ލޯބިކުރާ ރައްޔިތުން ދިރިއުޅޭ ރަށެކެވެ. އެހެންކަމުން، މި ފެށުނު މަޝްރޫޢަކީ ރަށުގެ ރައްޔިތުންގެ އުންމީދުތަކާ ގުޅިފައިވާ މުހިންމު މަސައްކަތަކަށް ވެގެންދާނެއެވެ.

ރާއްޖޭގެ ހުރިހާ  ކަންކޮޅުތަކަށް ކުޅިވަރުގެ ދާއިރާއިން ތަފާތު ކުރިއެރުންތައް ގެނައުމަށް ސަރުކާރުން ދަނީ މުހިންމު މަސައްކަތްތަކެއް ކުރައްވަމުންނެވެ. އެގޮތުން،  ކުޅިވަރުގެ ދާއިރާ ހަރުދަނާކޮށް، ވަސީލަތްތައް ގާއިމުކޮށްދިނުމަކީ ރައީސުލްޖުމްހޫރިއްޔާގެ ހާއްސަ އިސްނެންގެވުމުގެ ދަށުން ކުރައްވަމުންގެންދަވާ މުހިންމު މަސައްކަތެކެވެ.