ވެސްޓް ޕާކް މަސްބާނާ ސަރަޙައްދު ތަރައްގީކުރުމަށް އާއްމުންގެ ހިޔާލު ހޯދަން ހުޅުވާލައިފި

މާލޭގެ ވެސްޓް ޕާކް ސަރަހައްދުގައި މަސްބޭނުމަށް ހާއްސަ ޕްލެޓްފޯމެއް (ފިޝިން ޕްލެޓްފޯމް) ތަރައްގީކުރުމުގެ މަޝްރޫއަށް އާންމުންގެ ހިޔާލާއި މަޝްވަރާ ހޯދުމަށް މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީ (އެމްޓީސީސީ) އިން ހާއްސަ ސާވޭއެއް ފަށައިފިއެވެ.

އެމްޓީސީސީން މައުލޫމާތު ދޭ ގޮތުގައި މި ސާވޭގެ މައިގަނޑު ބޭނުމަކީ ވެސްޓް ޕާކް ސަރަހައްދު މަސްބޭނުމަށް އެންމެ އެކަށޭނަ އަދި އާންމުން ބޭނުންވާ ފަދަ ފުރިހަމަ ގޮތެއްގައި ތަރައްގީކުރުމަށްޓަކައި، ރައްޔިތުންގެ ހިޔާލާއި ފެންނަ ގޮތްތައް ދެނެގަތުމެވެ. މިގޮތުން މި މަޝްރޫއުގެ ޕްލޭނިން މަރުހަލާގެ ތެރެއިން ޢާންމުންގެ ހިޔާލު ހޯދުމަށް އޮންލައިން ސުވާލު ކަރުދާހެއް މިހާރު ވަނީ ޢާންމުކޮށްފައެވެ.

We are currently preparing for the development of the West Park Fishing Platform. As part of this process, we would like to hear the valuable views and opinions of the public. Please take a few minutes to complete our questionnaire and share your feedback with us.

The survey… pic.twitter.com/Ke2yizLgZq

— MTCC Plc (@MTCCPlc) August 18, 2026

މި ސާވޭ ކުރިއަށްދާނީ މި މަހުގެ 31 ގެ ނިޔަލަށެވެ. މި ސާވޭގައި ދިވެހި އަދި އިނގިރޭސި ބަހުން ފުރިހަމަކުރެވޭ ގޮތަށް ދެ ފޯމެއް ވަނީ ހުޅުވާލާފައެވެ. އެމްޓީސީސީން ވަނީ ވީހާވެސް ގިނަ ރައްޔިތުން މި ސާވޭގައި ބައިވެރިވެ، މަޝްރޫއާ ގުޅޭގޮތުން ދެކޭގޮތް ހިއްސާކޮށްދިނުމަށް އެދިފައެވެ.

ވެސްޓް ޕާކް ސަރަޙައްދަކީ ގިނަ އަދަދެއްގެ ޢާންމު ރައްޔިތުން މަސްބޭނުމަށާއި ހިތްހަމަޖައްސާލުމަށް ޒިޔާރަތްކުރާ ސަރަހައްދެކެވެ. އަދި އަހަރުތަކެއް ކުރިންވެސް މި ސަރަހައްދުގައި މަސްބާނަން ހާއްސަ ޕްލެޓްފޯމެއް ގާއިމްކޮށްފައި ވެއެވެ.