ކުޑަހުވަދޫ ބަނދަރުގެ މަޝްރޫއުގެ 75 އިންސައްތަ މަސައްކަތް ނިމި، ކީ-ވޯލް ޖެހުމުގެ މަސައްކަތް ފަށައިފި

ދ. ކުޑަހުވަދޫ ބަނދަރު ތަރައްގީކުރުމުގެ މަޝްރޫއުގެ މަސައްކަތް ހަލުވިކަމާއެކު ކުރިއަށްދާ ކަމަށާއި، މިހާރު ކުރިއަށްދަނީ ކީ-ވޯލް ޖެހުމުގެ މަސައްކަތް ކަމަށް މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގ ކޮމްޕެނީ (އެމްޓީސީސީ) އިން ހާމަކޮށްފިއެވެ.

އެމްޓީސީސީން މައުލޫމާތު ދެއްވި ގޮތުގައި، ކުޑަހުވަދޫ ބަނދަރު ތަރައްގީކުރުމުގެ މުޅި މަޝްރޫއުގެ 75 އިންސައްތަ މަސައްކަތް މިހާރު ވަނީ ނިމިފައެވެ. އަދި މިހާރު އެ ރަށު ބަނދަރު ސަރަހައްދުގައި ކުރިއަށްދަނީ ކީ-ވޯލް އެތުރުމުގެ މުހިންމު މަސައްކަތްތަކެވެ.

Project Update: Design and Build of Dh. Kudahuvadhoo Harbor Upgrade

Quay wall installation works are ongoing with 75% project progress

Follow more updates at: https://t.co/RjAFCf3rnI#MTCCProjects #TeamMTCC #RayyithungeKunfuni #GaumuBinaakurumugaaMTCC pic.twitter.com/No5n1E4XsS

— MTCC Plc (@MTCCPlc) August 31, 2026

މި މަޝްރޫއުގެ ދަށުން ބޮޑެތި މަސައްކަތްތަކެއް ކުރުމަށް ވަނީ ހަމަޖެހިފައެވެ. އޭގެ ތެރޭގައި:

• 103،122 ކިއުބިކް މީޓަރުގެ ސަރަހައްދެއްގެ ފަޅު ފުންކުރުން
• 5،545 ކިއުބިކް މީޓަރުގެ ސަރަހައްދެއްގެ ނެރު ފުންކުރުން
• 180 މީޓަރުގެ ބޭރުތޮށްޓެއް ލުމާއި 115 މީޓަރުގެ ސަރަހައްދެއްގައި ރިވެޓްމެންޓް ޖެހުން
• 372 މީޓަރުގެ ސަރަހައްދެއްގައި އެއްގަމުތޮށި ލުން

މީގެ އިތުރުން 70 މީޓަރު ދިގު، 2 މީޓަރު ފުޅާ ބްރިޖެއް ހެދުމާއި، 90 މީޓަރު ދިގު، 2 މީޓަރު ފުޅާ ޖެޓީއެއް ގާއިމުކުރުމުގެ މަސައްކަތް ވެސް މި މަޝްރޫއުގައި ހިމެނެއެވެ. އަދި 2،265 އަކަ މީޓަރުގެ ޕޭވްމެންޓް ހެދުމާއި، ބަނދަރު ބައްތި އަދި މޫރިންގ ބޯއީސް ހަރުކުރުމުގެ މަސައްކަތް ވެސް ކުރިއަށްދާނެއެވެ.