އިސްލާމީ ވުޒާރާގެ ޖަމިއްޔާތަކުގެ މަހާސިންތާގައި ބައިވެރިވުމަށް ހުޅުވާލައިފި

އިސްލާމީ ކަންތައްތަކާއި އައުޤާފާ ބެހޭ ވުޒާރާއިން އިންތިޒާމުކޮށްގެން ބާއްވާ "ޖަމްޢިއްޔާތަކުގެ އަހަރީ ބައްދަލުވުން 2026" ގައި ބައިވެރިވުމުގެ ފުރުސަތު، ރާއްޖޭގެ އެކި ކަންކޮޅުތަކުގައި ދީނީ ދައުވަތު ދިނުމުގެ ހަރަކާތްތައް ހިންގާ ޖަމްޢިއްޔާތަކަށް ހުޅުވާލައިފިއެވެ.

އިސްލާމީ ކަންތައްތަކާ ބެހޭ ވުޒާރާއިން ހާމަކުރި ގޮތުގައި، މި މަހާސިންތާ ބޭއްވުމަށް ހަމަޖެހިފައިވަނީ ސެޕްޓެމްބަރު 26، 2026 ވާ ހޮނިހިރު ދުވަހު، އިސްލާމީ މަރުކަޒުގެ ޖަލްސާކުރާ މާލަމުގައެވެ.

މަހާސިންތާގެ ޝިއާރާއި މައިގަނޑު މަޤްޞަދު
"21 ވަނަ ޤަރުނުގައި އިސްލާމީ ދަޢުވަތު" މި ޝިއާރުގެ ދަށުން ކުރިއަށްގެންދާ މި މަހާސިންތާގެ މައިގަނޑު މަޤްސަދަކީ، ރާއްޖޭގެ ދީނީ އަދި އިޖުތިމާޢީ ދާއިރާގައި ދީނީ ދައުވަތު ފެތުރުމުގެ މަސައްކަތްކުރާ ޖަމްޢިއްޔާތަކުގެ މެދުގައި ގުޅުން ބަދަހިކޮށް، އެ ޖަމްޢިއްޔާތަކުން ކުރަމުންދާ މަސައްކަތްތައް އިތުރަށް ހަރުދަނާކުރުމެވެ. މީގެއިތުރުން، ޒަމާނާ އެއްގޮތަށް ދައުވަތުގެ މައިދާން ފުޅާކުރުމަށް އެހީތެރިވެދިނުމަކީ ވެސް މި ބައްދަލުވުމުގެ މުހިންމު ބޭނުމެއް ކަމަށް އެ ވުޒާރާއިން މައުލޫމާތު ދީފައިވެއެވެ.

📣 ޖަމްޢިއްޔާ މަހާސިންތާ 2026 ގައި ބައިވެރިވުމަށް ހުޅުވާލައިފި!
"21 ވަނަ ޤަރުނުގައި އިސްލާމީ ދަޢުވަތު" މި ޝިޢާރުގެ ދަށުން ބާއްވާ މަހާސިންތާގައި ބައިވެރިވުމަށް ތިރީގައިވާ ލިންކުން ރަޖިސްޓްރީ ކުރައްވާށެވެ.

📅 ތާރީޚް: 26 ސެޕްޓެމްބަރ 2026 (ހޮނިހިރު)
📍 ތަން: އިސްލާމީ މަރުކަޒުގެ… pic.twitter.com/qEy0PTHIJ4

— Ministry of Islamic Affairs & Endowments (@MVIaffairs) September 1, 2026

ބައިވެރިވުމަށް ރަޖިސްޓްރީވުން
އިސްލާމީ ކަންތައްތަކާއި އައުޤާފާ ބެހޭ ވުޒާރާއިން އިތުރަށް ވިދާޅުވީ، މި ބައްދަލުވުމުގައި ބައިވެރިވާން އެދޭ ޖަމްޢިއްޔާތަކަށް ހާއްސަ އޮންލައިން ފޯމެއް މެދުވެރިކޮށް ރަޖިސްޓްރީވުމުގެ އިންތިޒާމު މިހާރު ހަމަޖައްސާފައިވާ ކަމަށެވެ. އަދި ބައިވެރިވުމަށް އެދި ފޯމު ހުށަހެޅުމުގެ އެންމެ ފަހު ތާރީޚަކީ ސެޕްޓެންބަރު 10 ވާ ބުރާސްފަތި ދުވަހެވެ.

މި ބައްދަލުވުމަކީ މުޅި ރާއްޖޭގެ ޖަމްޢިއްޔާތައް އެއް މަންސައަކުން ބައްދަލުވެ، ގައުމުގެ ދީނީ އަދި އިޖުތިމާއީ ފޭރާން ވަރުގަދަކުރުމުގެ ގޮތުން މަޝްވަރާކޮށް ހިޔާލު ބަދަލުކުރުމަށް ލިބިގެންދާނެ އަގުހުރި ފުރުސަތެއްކަން އެ ވުޒާރާއިން ވަނީ ފާހަގަކޮށްފައެވެ.