ގަމު ބަނދަރު ތަރައްޤީކުރުމުގެ މަޝްރޫޢުގެ 87 އިންސައްތަ މަސައްކަތް ނިމިއްޖެ

މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގ ކޮމްޕެނީ (އެމްޓީސީސީ) އިން ކުރިއަށްގެންދާ ލ. ގަމު ތުނޑި ބަނދަރު ތަރައްޤީކުރުމުގެ މަޝްރޫޢުގެ މަސައްކަތުގެ 87 އިންސައްތަ ނިމިފައިވާ ކަމަށް އެ ކުންފުނިން ހާމަކޮށްފިއެވެ.

އެމްޓީސީސީން މަޢުލޫމާތު ދޭ ގޮތުގައި މިހާރު ކުރިއަށްދަނީ ބަނދަރުގެ އެޕްރޯޗް ސްލެބް ކޮންކްރީޓް ކުރުމުގެ މަސައްކަތްތަކާއި، ކީވޯލް ކޮންކްރީޓް ކެޕިންގ އެޅުމުގެ މަސައްކަތްތަކެވެ. މި މަޝްރޫޢަކީ މިނިސްޓްރީ އޮފް ހައުސިންގ، ލޭންޑް އެންޑް އަރބަން ޑިވެލޮޕްމަންޓުން އެމްޓީސީސީއާ ހަވާލުކޮށްގެން ކުރިއަށްގެންދާ 24.71 މިލިއަން ރުފިޔާގެ މަޝްރޫޢެކެވެ.

Project Update: Design and Build of L. Gan Harbor Upgrading

Approach slab concrete works are ongoing. Overall project progress is 87%.

Follow more updates at: https://t.co/RjAFCf3rnI #MTCCProjects #TeamMTCC #RayyithungeKunfuni #GaumuBinaakurumugaaMTCC pic.twitter.com/XpFF6z2KuI

— MTCC Plc (@MTCCPlc) September 2, 2026

މަޝްރޫޢުގެ ދަށުން ކުރެވޭ މައިގަނޑު މަސައްކަތްތައް
ގަމު ބަނދަރު އަޕްގްރޭޑް ކުރުމުގެ މަޝްރޫޢުގެ ދަށުން 360 މީޓަރުގެ ސަރަޙައްދެއްގައި ބޭރުތޮށި ލުމާއި، 310 މީޓަރުގެ ސަރަޙައްދެއްގައި އެއްގަމުތޮށި ލުމުގެ މަސައްކަތް ހިމެނެއެވެ. މީގެއިތުރުން 2،501 އަކަމީޓަރުގެ ސަރަޙައްދެއްގައި ޕޭވްމަންޓް ހެދުމާއި، ބްރިޖެއް އެޅުމުގެ އިތުރުން މަގުބައްތި އަދި ނެރުބައްތި ހަރުކުރުމުގެ މަސައްކަތްވެސް މި މަޝްރޫޢުގެ ތެރޭގައި ހިމެނެއެވެ.

މި މަޝްރޫޢުގެ އިތުރުން، ގަމު ކައުންސިލުން ވަނީ ރަށުގެ ފަތުރުވެރިކަމަށް ފުރުޞަތު ފަހިކުރުމުގެ ގޮތުން ޔޮޓް މެރީނާއަކަށް ޖާގަ ކަނޑައެޅުމަށާއި، ބޭރު ފަރާތުން ޚާއްޞަ ނެރެއް ފުންކޮށް ކެނޑުމުގެ އިތުރުން ގިރާ ސަރަޙައްދު ހިމާޔަތްކުރުމުގެ މަސައްކަތް މަޝްރޫޢުގެ ތެރޭގައި ހިމަނައިދިނުމަށް ސަރުކާރުގައި އެދިފައެވެ.