އައި.ސީ.އާރު.ސީގެ ރީޖަނަލް ހެޑް، އެން.ޑީ.އެމް.އޭގެ ޗީފް އެގްޒެކެޓިވް ހިސާން ހަސަންއާ ބައްދަލުކުރައްވައިފި

ނޭޝަނަލް ޑިޒާސްޓާ މެނޭޖްމަންޓް އޮތޯރިޓީ، އެން.ޑީ.އެމް.އޭގެ ޗީފް އެގްޒެކެޓިވް ހިސާން ހަސަން، އިންޓަނޭޝަނަލް ކޮމިޓީ އޮފް ދަ ރެޑް ކްރޮސް، އައި.ސީ.އާރު.ސީގެ ރީޖަނަލް ދެފަރާތުގެ އިސްވެރިޔާ އަލްފޮންސޯ ވާޑޫ ޕެރޭޒްއާ ބައްދަލުކުރައްވައިފިއެވެ. މި ބައްދަލުވުން ބޭއްވުނީ އެބޭފުޅާ ރާއްޖެއަށް ކުރެއްވި ރަސްމީ ދަތުރުފުޅުގެ ތެރެއިންނެވެ. 

މި ބައްދަލުވުމުގައި މައިގަނޑު ގޮތެއްގައި މަޝްވަރާކުރެވުނީ ބައިނަލްއަޤުވާމީ އިންސާނީ ހައްޤުތަކުގެ ޤާނޫނުތަކާއި، ކާރިސާތަކަށް ތައްޔާރުވުމާއި އިޖާބަދިނުމުގެ ނިޒާމު ހަރުދަނާކުރުމާ ބެހޭގޮތުންނެވެ. އަދި އެން.ޑީ.އެމް.އޭ އާއި އައި.ސީ.އާރު.ސީ އަދި މާލްޑިވިއަން ރެޑް ކްރެސެންޓް ގުޅިގެން މަސައްކަތްކުރުމުގެ ދާއިރާތައް ފުޅާކުރުމާ ބެހޭގޮތުންވެސް ފުޅާ ދާއިރާއެއްގައި މަޝްވަރާ ކުރެވުނެވެ.

Chief Executive Hisan Hassan met with Mr Alfonso Verdú Pérez, Head of Regional Delegation of the International Committee of the Red Cross (ICRC),@ICRC during his visit to the Maldives.

Discussions focused on International Humanitarian Law, disaster preparedness and response, and… pic.twitter.com/Dg5wvYwiDD

— NDMA Maldives (@NDMAmv) September 22, 2026

މީގެ އިތުރުން، ޤައުމީ ފެންވަރުގައި ކާރިސާތަކަށް ތައްޔާރުވުމާއި އިޖާބަދިނުމުގެ ޤާބިލުކަން އިތުރުކުރުމަށްޓަކައި ކުރިއަށް ރޭވިފައިވާ ޕްރޮގްރާމްތަކާއި އިސްނެގުންތަކަށް އައި.ސީ.އާރު.ސީގެ އެހީތެރިކަން ފޯރުކޮށްދެވޭނެ ގޮތްތަކާމެދުވެސް ދެބޭފުޅުން ވަނީ ވާހަކަދައްކަވާފައެވެ.

އަލްފޮންސޯ ވާޑޫ ޕެރޭޒް އަކީ ނިއުދިއްލީގެ އައި.ސީ.އާރު.ސީގެ ރީޖަނަލް ޑެލިގޭޝަންގެ ވެރިޔާއެވެ. އެ އޮފީހުން ބަލަހައްޓަނީ އިންޑިއާ، ނޭޕާލް، ބޫޓާން އަދި ދިވެހިރާއްޖެ ހިމެނޭ ސަރަހައްދެވެ.