ދިއްގަރުގައި އަޅާ 75 ހައުސިންގ ޔުނިޓު: ފައުންޑޭޝަން މަސައްކަތް ކުރިއަށްދަނީ

މ. ދިއްގަރުގައި 75 ހައުސިންގ ޔުނިޓު އެޅުމުގެ މަޝްރޫއުގެ ތެރެއިން މިހާރު ކުރިއަށްދަނީ، 2 ވަނަ ޔުނިޓުގެ ފައުންޑޭޝަން ކޮންކްރީޓް މަސައްކަތްތައް ކަމަށް މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގ ކޮމްޕެނީ (އެމްޓިސީސީ) އިން ވިދާޅުވެއްޖެއެވެ.

އެ ކުންފުނިން މިކަން ހާމަކުރައްވާފައި ވަނީ މަޝްރޫއުގެ އަދާހަމަ ހިއްސާކުރެއްވުމަށް އެކްސްގައި ހިއްސާކުރެއްވި ޕޯސްޓެއް މެދުވެރިކޮށެވެ.

ގެދޮރުވެރިކަމާއި ބެހޭ ވުޒާރާއިން މި މަޝްރޫއު އެމްޓީސީސީއާއި ހަވާލުކޮށްފައިވަނީ 18 އެޕްރީލް 2024 ގައެވެ. އަދި މި މަޝްރޫއުގެ އަމަލީ މަސައްކަތް މި އަހަރު ފަށާފައިވާއިރު، ދިއްގަރުގައި އިމާރާތް ކުރުމަށް ހަމަޖެހިފައިވަނީ، 1000  އަކަފޫޓުގެ ހައުސިން ޔުނިޓުތަކެކެވެ.

މި ޔުނިޓުތަކުގައި 3 ކޮޓަރި، 3 ފާޚާނާ، ސިޓިންގް ރޫމް، ބަދިގެ، ކާގެ، ލޯންޑްރީ އަދި ސްޓޯރޫމް ހިމެނުމަށް ވަނީ ހަމަޖެހިފައެވެ.

Project Update: Design and build of 75 Housing Units at M. Dhiggaru

Foundation concrete works of the 2nd unit are currently ongoing.

Follow more updates at: https://t.co/RjAFCf3rnI#MTCCProjects #TeamMTCC #RayyithungeKunfuni #GaumuBinaakurumugaaMTCC pic.twitter.com/6FNAzlpZq9

— MTCC Plc (@MTCCPlc) September 22, 2026

މިދިޔަ އަހަރުގެ  ސެޕްޓެމްބަރު މަހު ރައީސުލްޖުމްހޫރިއްޔާ ޑރ. މުހައްމަދު މުޢިއްޒު ދިއްގަރަށް ކުރެއްވި ދަތުރުފުޅުގައި، މި މަޝްރޫއު އިތުރަށް ފުޅާކޮށް، ތަރައްޤީގެ ރޮނގުން އިތުރު ކުރިއެރުންތައް ހޯއްދަވައިދެއްވާނެ ކަމަށް ވިދާޅުވެފައިވެއެވެ. އަދި ދިއްގަރުގައި އެހެނިހެން މަޝްރުއުތައް ވެސް ކުރިއަށްގެންދިއުމަށް ހަމަޖެހިފައިވާކަން ރައީސް ފާހަގަކުރެއްވިއެވެ.