ޓެކްނޮލޮޖީ ބޭނުން ކުރުމުގައި އިސްކަންދެނީ އައު ފުރުސަތުތައް ފަހިކުރުމަށް: އަމީން

ޓެކްނޮލޮޖީގެ ވަސީލަތްތައް ބޭނުން ކުރުމުގައި އެންމެ އިސްކަމެއްދެނީ، ދިވެހިންނަށް އައު ފުރުސަތުތައް ފަހިކުރުމަށް ކަމަށް ފަތުރުވެރިކަމާއި މަދަނީ އުދުހުންތަކާ ބެހޭ ވަޒީރު މުޙައްމަދު އަމީން ވިދާޅުވެއްޖެއެވެ.

ވަޒީރު މިފަދައިން ވިދާޅުވީ، ދުނިޔޭގެ ފަތުރުވެރިކަމުގެ ދުވަހުގެ މުނާސަބަތުގައި އެކްސްގައި ކުރެއްވި ޕޯސްޓެއްގައެވެ.

ވަޒީރު ވަނީ، ދުނިޔޭގެ ފަތުރުވެރިކަމުގެ ދުވަހުގެ މުނާސަބަތުގައި، ރިސޯޓުތަކާއި، ގެސްޓްހައުސްތަކާއި، ސަފާރީތަކާއި، ރަށްރަށުގެ މުޖުތަމަޢުތައް ހިމެނޭހެން، ދިވެހިރާއްޖެއަކީ މެހެމާންދާރީ އަދާކުރުމުގައި ނަމޫނާ މަންޒިލަކަށް ހަދައިދޭ އެންމެހައި ފަރާތްތަކަށް ޝުކުރުދަންނަވާފައެވެ.

އަދި ޓެކްނޮލޮޖީގެ ވަސީލަތްތަކާއި އާޓިފިޝަލް އިންޓެލިޖެންސް (އޭއައި)ގެ ބޭނުން ހިފުމަށް މަސައްކަތްކުރަމުންދާއިރު، އެންމެ ބޮޑު އިސްކަމެއްދެނީ، ފަތުރުވެރިންގެ ތަޖުރިބާ އިތުރަށް ފުރިހަމަކުރުމާއި، ދިވެހިންނަށް އިތުރު ފުރުޞަތުތައް ފަހިކޮށްދިނުމަށް ކަމަށެވެ.

On World Tourism Day, I thank everyone who makes the Maldives a welcoming destination—from our resorts and guesthouses to liveaboards and island communities.

As we explore digital tools and AI, our priority is to improve the visitor experience and create more opportunities for… pic.twitter.com/0JZU76mQd8

— Mohamed Ameen (@ameen3d) September 27, 2026

ދުނިޔޭގެ ފަތުރުވެރިކަމުގެ ދުވަހުގެ މުނާސަބަތުގައި ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވެސް ވަނީ، ޑިޖިޓަލް ޓެކްނޮލޮޖީ އާއި އޭއައިގެ ސަބަބުން މި ސިނާއަތަށް ބަދަލުތަކެއް އަންނަމުންދާތީ، އެ ބަދަލުތަކަށް ހޭނި، އައު އީޖާދުތަކާއެކު ކުރިއަރައި އިސްނަގައިގެން މަސައްކަތްކުރަން ޖެހޭކަން ފާހަގަކުރައްވާފައެވެ.

1980 ވަނަ އަހަރުން ފެށިގެން ކޮންމެ އަހަރަކު ވެސް 27 ސެޕްޓެމްބަރު ފާހަގަކުރަނީ ދުނިޔޭގެ ފަތުރުވެރިކަމުގެ ދުވަހުގެ ގޮތުގައެވެ.