ކުޑަރިކިލު ސްކޫލުގެ އިތުރު ކްލާސްރޫމު އެޅުމުގެ މަސައްކަތުގެ 55 އިންސައްތަ ނިމިއްޖެ

ބ. ކުޑަރިކިލު ސްކޫލުގެ އިތުރު ކްލާސްރޫމު އެޅުމުގެ މަސައްކަތުގެ 55 އިންސައްތަ ނިމިފައިވާ ކަމަށް މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީ (އެމްޓީސީސީ)އިން ވިދާޅުވެއްޖެއެވެ.

އެމްޓީސީސީން އެކްސްގައި ހިއްސާކުރެއްވި ޕޯސްޓެއްގައި ވިދާޅުވީ، މި މަސައްކަތުގެ ދަށުން މިހާރު ކުރިއަށްދަނީ ފުރަތަމަ ފަންގިފިލާގެ ބްލޮކްސް އެޅުމުގެ މަސައްކަތްތައް ކަމަށެވެ. 

Project Update: Construction of 4 classrooms at B. Kudarikilu School

1st floor block works are ongoing. Overall project progress is 55%.

Follow more updates at: https://t.co/RjAFCf3rnI#MTCCProjects #TeamMTCC #RayyithungeKunfuni #GaumuBinaakurumugaaMTCC pic.twitter.com/7tJJpmzJ0x

— MTCC Plc (@MTCCPlc) September 27, 2026

ތައުލީމާއި ބެހޭ ވުޒާރާއިން މި މަޝްރޫއު އެމްޓީސީސީއާ ހަވާލުކޮށް، އެއްބަސްވުމުގައި ސޮއިކޮށްފައި ވަނީ މިދިޔަ އަހަރުގެ އެޕްރީލް މަހުގެ ތެރޭގައެވެ. މަޝްރޫއުގެ ދަށުން، ގިނަ ރަށްތަކެއްގައި ކްލާސްރޫމަކާއި މަލްޓިޕާޕަސް ހޯލުތައް ގާއިމުކުރުމުގެ މަސައްކަތް އެމްޓީސީސީއާ ހަވާލުކުރެވުނެވެ.

މި މަޝްރޫޢުތަކަކީ ރާއްޖޭގެ ހުރިހާ ކަންކޮޅުތަކެއްގެ ދަރިވަރުންނަށް ފެންވަރު ރަނގަޅު ތަޢުލީމާއި ވަސީލަތްތައް ހަމަހަމަކަމާއެކު ފޯރުކޮށްދިނުމަށް އެޅޭ މުހިންމު ފިޔަވަޅެއް ކަމަށް އެމްޓީސީސީން ވިދާޅުވެއެވެ. 

ސަރުކާރު ސްކޫލްތަކަށް ކުރިމަތިވެފައިވާ ޖާގައިގެ ދަތިކަން ޙައްލުކުރުމަށް ސްކޫލްތަކުގައި އައު ޢިމާރާތާއި މަލްޓިޕަރޕަސް ހޯލްތައް ބިނާކުރުމުގެ ގިނަ މަޝްރޫއުތަކެއް މިހާރު ވެސް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ސަރުކާރުން ދަނީ ހިންގަމުންނެވެ.

އެމްޓީސީސީއިން އަންނަނީ ރާއްޖޭގެ ތަރައްޤީއަށް ބޮޑެތި ހިއްސާތަކެއް ވަމުންނެވެ. ރާއްޖޭގެ އެކިއެކި ރަށްރަށުގައި އެ ކުންފުނިން، އެ ރަށްރަށުގެ ތަރައްޤީއަށް ކުރަމުން އަންނަ މަސައްކަތްތައް ފާހަގަކޮށްލެވެއެވެ. މީގެ ތެރޭގައި ހިމެނޭ ގަނަ ޕްރޮޖެކްޓުތަކަކީ އަދުގެ ސަރުކާރުގެ އިސްނެންގެވުމުގެ ދަށުން އެ ކުންފުންޏާއި ހަވާލުކުރެވިގެން ކުރިއަށްދާ ޕްރޮޖެކްޓުތަކެކެވެ.