ޗަސްބިމުގައި އުޅޭ ކަކުނި ފަލަކުރުމުގެ ހާއްސަ މަޝްރޫއެއް ފަށަނީ

ރާއްޖޭގެ ޗަސްބިންތަކުގައި އުޅޭ ކަކުނި ފަލަކުރުމަށް "މަޑް ކްރެބް ފެޓަނިންގް" ޕައިލެޓް މަޝްރޫއެއް ހިންގުމަށް  މަސްވެރިކަމާއި ދަނޑުވެރިކަމާއި ކަނޑުގެ ވަސީލަތްތަކާ ބެހޭ ވުޒާރާއިން ނިންމަވައިފިއެވެ.

ދަނޑުވެރިކަމާއި ބެހޭ ވުޒާރާއިން ވިދާޅުވީ މި މަޝްރޫއު ކުރިއަށްގެންދިއުމުގެ ހުއްދަ ދޫކޮށްފައިވަނީ މެރިޓޯލް ޕްރައިވެޓް ލިމިޓެޑް ނަމަކަށް ކިޔާ އަމިއްލަ ކުންފުންޏަކަށް ކަމަށެވެ. އަދި މަޝްރޫއު ރިއަށް ގެންދިއުމަށް ހަމަޖެހިފައިވަނީ ގދ. ފިޔޯރީގައި ކަމަށް ވުޒާރާއިން ވިދާޅުވެއެވެ.

މި މަޝްރޫއުގެ މައިގަނޑު މަގްސަދަކީ ފިޔޯރީގެ "ކުޅިޔެ ވަޅަގަނޑޭ" ކުޅިން ނަގާ ކުދި ކަކުނި، ހާއްސަ ކޮށިތަކެއްގައި ބަލަހައްޓައިގެން ފަލަކޮށް، ވިޔަފާރި އުސޫލުން ބާޒާރަށް ނެރެވޭނެ ފެންވަރަށް ތަރައްގީކުރުން ކަމަށާއި، މިކަމަގެ ސަބަބުން،  ކުޅީގެ ގުދުރަތީ ވަސީލަތްތަކަށް ގެއްލުން ނުވާނެހެން، ދެމެހެއްޓެނިވި ގޮތެއްގައި ކަކުނީގެ ވިޔަފާރި ފުޅާކުރުމުގެ ފުރުސަތު ފަހިވެގެންދާނެ ކަމަށް މަސްވެރިކަމާއި ދަނޑުވެރިކަމާއި ކަނޑުގެ ވަސީލަތްތަކާ ބެހޭ ވުޒާރާއިން ވިދާޅުވިއެވެ.

މިއީ  ރާއްޖޭގެ ރަށްރަށުގައި ލިބެންހުރި ގުދުރަތީ ވަސީލަތްތައް ބޭނުންކޮށްގެން އައު ވިޔަފާރިތައް އުފެއްދުމަށާއި، އިގްތިސާދީ މަންފާ އިތުރުކުރުމަށް އެޅޭ މުހިންމު ފިޔަވަޅެއް ކަމުގައި ވެސް ދަނޑުވެރިކަމާއި ބެހޭ ވުޒާރާއިން ވިދާޅުވިއެވެ.

މެރިޓޯލް ޕްރައިވެޓް ލިމިޓެޑުގެ މި މަސައްކަތް ކާމިޔާބުވެއްޖެނަމަ، އޭގެ ސަބަބުން ރާއްޖޭގައި މެރިކަލްޗާ ނުވަތަ ކަނޑުފަޅުގެ ދިރުންތައް އާލާކުރުމުގެ ދާއިރާއަށް ބޮޑު ކުރިއެރުމެއް ލިބިގެންދާނެ ކަމަށް ވެސް ވުޒާރާއިން ފާހަގަކުރެއެވެ.

ގދ. ފިޔޯރީގައި "މަޑް ކްރެބް ފެޓަނިންގ" ޕައިލެޓް މަޝްރޫޢެއް ހިންގުމުގެ ހުއްދަ މެރިޓޯލް ޕްރައިވެޓް ލިމިޓެޑަށް ވަނީ ދޫކޮށްފައެވެ. މި މަޝްރޫޢުގެ މައިގަނޑު މަޤްޞަދަކީ، އެ ރަށުގެ "ކުޅިޔެ ވަޅަގަނޑޭ" ކުޅިން ނަގާ ކުދި ކަކުނި، ޚާއްޞަ ކޮށިތަކެއްގައި ފަލަކޮށް ބަލަހައްޓައިގެން ވިޔަފާރި… pic.twitter.com/ykeFxkJDrb

— Min of Fisheries, Agriculture and Ocean Resources (@MFAORmv) September 29, 2026