އިމާރާތްތަކުގައި ހަކަތަ ރައްކާތެރިކުރުމަށް އަހުލުވެރިކުރުމުގެ ވޯކްޝޮޕެއް ފަށައިފި

މޫސުމީ ބަދަލުތަކާއި ތިމާވެށްޓާއި ހަކަތައާ ބެހޭ ވުޒާރާއާއި، ކްލައިމެޓް އެންޑް ކްލީން އެއާ ކޯލިޝަން (ސީސީއޭސީ) ގުޅިގެން، އިމާރާތްތަކުގައި ހަކަތަ ރައްކާތެރިކުރުމާ ގުޅޭގޮތުން އެކުލަވާލާފައިވާ "މޯލްޑިވްސް އެނާޖީ އެފިޝަންސީ ގައިޑްލައިން ފޯ ބިލްޑިންގްސް" އަށް އަހުލުވެރިކުރުމުގެ ވޯކްޝޮޕެއް  ފަށައިފިއެވެ.

މީރުމާ ހޯލުގައި ފެށި މި ވޯކް ޝޮޕް 3 ދުވަހުގެ މުއްދަތަކަށް ކުރިއަށްދާއިރު، މި ތަމްރީނު ޕްރޮގްރާމް ރަސްމީކޮށް ފައްޓަވައިދެއްވީ މިނިސްޓަރ އޮފް ސްޓޭޓް ފޮރ ކްލައިމެޓް ޗޭންޖް، އެންވަޔަރަންމަންޓް އެންޑް އެނާޖީ، ޑރ. މުއާވިޔަތު މުޙައްމަދެވެ.

 މި ރަސްމިއްޔާތުގައި ވާހަކަފުޅު ދައްކަވަމުން އެމަނިކުފާނު ވަނީ، އިމާރާތްތައް ފަރުމާކުރުމުގެ ކުރީކޮޅުގައި ހަކަތަ ރައްކާތެރިކުރެވޭނެ ވިސްނުންތެރި ގޮތްތައް ބޭނުންކުރުމަކީ، މުޅި ޤައުމުގެ ކަރަންޓުގެ ހަރަދު ކުޑަކުރުމަށާއި މޫސުމީ ލަނޑުދަނޑިތައް ހާސިލުކުރުމަށް ކޮންމެހެން މުހިންމު ކަމެއްކަން ފާހަގަކުރައްވާފައެވެ.

ދުނިޔޭގެ މަޝްހޫރު ކުންފުންޏެއް ކަމަށްވާ 'ޑެލޮއިޓް' ގެ ހަކަތައާ ބެހޭ މާހިރުން ކުރިއަށްގެންދާ މި ވޯކްޝޮޕްގައި އާކިޓެކްޗަރ، އިންޖިނިއަރިންގ އަދި އިމާރާތްކުރުމުގެ ދާއިރާގައި މަސައްކަތްކުރާ 40 ފަންނީ ބޭފުޅުން ބައިވެރިވާ ކަމަށް ހަކަތައާ ބެހޭ ވުޒާރާއިން ވިދާޅުވެއެވެ.

The Ministry of Climate Change, Environment and Energy, alongside the Climate and Clean Air Coalition (CCAC), has kicked off a 3 day training workshop on the Maldives Energy Efficiency Guideline for Buildings at Meeruma Hall.

Delivered by energy experts from Deloitte, the… pic.twitter.com/shQdCKUirg

— Min. of Climate Change, Environment and Energy, MV (@MoEnvmv) September 29, 2026

މި ސެޝަންތަކުގައި، ދެމެހެއްޓެނިވި ގޮތުގައި އިމާރާތްތައް ފަރުމާކުރުމާއި، ގުދުރަތީ ވައިދައުރުވުމާއި ފިނިހޫނުމިން ހިފެހެއްޓުމާއި، އިއާދަކުރަނިވި ހަކަތައިގެ ނިޒާމުތައް ބޭނުންކުރުމުގެ މުހިންމުކަމުގެ މައްޗަށް އަލިއަޅުވާލާނެ ކަމަށް މޫސުމީ ބަދަލުތަކާއި ތިމާވެށްޓާއި ހަކަތައާ ބެހޭ ވުޒާރާއިން ވިދާޅުވިއެވެ.