ވަށަފަރު އައުޓްޑޯ ވޮލީ ކޯޓުގައި ކުރިއަށްދަނީ ކޮންކްރީޓް މަސައްކަތްތައް: އެމްޓީސީސީ

ހއ. ވަށަފަރު އައުޓްޑޯ ވޮލީ ކޯޓު އެޅުމުގެ މަޝްރޫއުގެ ތެރެއިން މިހާރު ކުރިއަށްދަނީ ކޮންކްރީޓް މަސައްކަތްތައް ކަމަށް މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގ ކޮމްޕެނީ (އެމްޓީސީސީ)އިން ވިދާޅުވެއްޖެއެވެ.

މި މަޝްރޫއާ ގުޅޭ އެންމެ ފަހުގެ މައުލޫމާތު ހިއްސާކުރެއްވުމަށް އެކްސްގައި ހިއްސާކުރެއްވި ޕޯސްޓެއްގައި އެ ކުންފުނިން ވިދާޅުވީ، ވޮލީ ކޯޓު އެޅުމުގެ މަސައްކަތުގެ ތެރެއިން ފޫޓިންގ އަދި ކޮލަމްތަކަށް ކޮންކްރީޓް އެޅުން މިހާރު ކުރިއަށްދާ ކަމަށެވެ.

މި މަޝްރޫއު ކުޅިވަރާއި ބެހޭ ވުޒާރާއިން އެމްޓީސީސީއާ ހަވާލުކޮށް އެކަމުގެ އެއްބަސްވުމުގައި ސޮއިކޮށްފައި ވަނީ މިދިޔަ އަހަރުގެ އޮކްޓޯބަރު މަހުގެ ތެރޭގައެވެ. މި އެއްބަސްވުމުގެ ދަށުން 10 ރަށެއްގައި ޖުމްލަ 11 މަޝްރޫއެއް ހިންގުމަށް ވަނީ އެމްޓީސީސީއާ ހަވާލުކޮށްފައެވެ.

Project Update: Construction of Outdoor Volley Court at Ha. Vashafaru

Concrete for footing and column works are ongoing.

Follow more updates at: https://t.co/RjAFCf3rnI#MTCCProjects #TeamMTCC #RayyithungeKunfuni #GaumuBinaakurumugaaMTCC pic.twitter.com/EvfbNh05r4

— MTCC Plc (@MTCCPlc) September 29, 2026

ރާއްޖޭގެ ހުރިހާ  ކަންކޮޅުތަކަށް ކުޅިވަރުގެ ދާއިރާއިން ތަފާތު ކުރިއެރުންތައް ގެނައުމަށް ސަރުކާރުން ދަނީ މުހިންމު މަސައްކަތްތަކެއް ކުރައްވަމުންނެވެ. އެގޮތުން،  ކުޅިވަރުގެ ދާއިރާ ހަރުދަނާކޮށް، ވަސީލަތްތައް ގާއިމުކޮށްދިނުމަކީ ރައީސުލްޖުމްހޫރިއްޔާގެ ހާއްސަ އިސްނެންގެވުމުގެ ދަށުން ކުރައްވަމުންގެންދަވާ މުހިންމު މަސައްކަތެކެވެ.

މި މަޝްރޫއު އެމްޓީސީސީއާ ހަވާލުކުރެވިގެން ކުރިއަށްދާއިރު، އެ ކުންފުނިން  އަންނަނީ ރާއްޖޭގެ ތަރައްގީއަށް ބޮޑެތި ހިއްސާތަކެއް ވަމުންނެވެ. ރާއްޖޭގެ އެކިއެކި ރަށްރަށުގައި އެ ކުންފުނިން، އެ ރަށްރަށުގެ ތަރައްގީއަށް ކުރަމުން އަންނަ މަސައްކަތްތައް ފާހަގަކޮށްލެވެއެވެ. މީގެ ތެރޭގައި ހިމެނޭ ގަނަ ޕްރޮޖެކްޓުތަކަކީ އަދުގެ ސަރުކާރުގެ އިސްނެންގެވުމުގެ ދަށުން އެ ކުންފުންޏާއި ހަވާލުކުރެވިގެން ކުރިއަށްދާ ޕްރޮޖެކްޓުތަކެކެވެ.