ޤައުމު ނިކަމެތިވެގެން ދާން ދޫކޮށްލެވެން ނެތްކަން ރައީސް ގެންވަނީ ސާބިތުކޮށްދެއްވަމުން: ސަޢީދު

ޤައުމު ނިކަމެތިވެގެން ދާން ދޫކޮށްލައިގެން ތިބެވެން ނެތްކަން ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ގެންދަވަނީ ހިތްވަރާއެކު ސާބިތުކޮށްދެއްވަމުން ކަމަށް، އިގުތިސާދީ ތަރައްޤީއާއި ދަތުރުފަތުރާއި ވިޔަފާރިއާ ބެހޭ ވަޒީރު މުޙައްމަދު ސަޢީދު ވިދާޅުވެއްޖެއެވެ.

އެކްސްގައި ހިއްސާކުރެއްވި ޕޯސްޓެއްގައި ވަޒިރު ވިދާޅުވީ، ރާއްޖޭގެ ވިޔަފާރިއާއި އިޤްތިޞާދީ ތަރައްޤީއާ އެންމެ ބޮޑަށް ގުޅިފައިވާ އެއް މަޝްރޫޢަކީ، މާލޭ ވިޔަފާރި ބަނދަރުގެ ޙާލަތު ބަދަލުކޮށް، ޒަމާނީކޮށް، އަދުގެ އިޤްތިޞާދީ ހަޤީޤަތްތަކާއި ފައިހަމަކޮށް، ވިޔަފާރީގެ ކާރުބާރު ހަލުވިކޮށް ފަސޭހަކޮށްދިނުން ކަމަށެވެ.

އަދި މިކަމުގެ ޚިޔާލު މީގެ އެތައް އަހަރުތަކެއް ކުރިން ކަމާބެހޭ އިދާރާތަކުން ކުރަމުން ދިޔަ ނަމަވެސް، އެތައް ޒަމާނެއް ވެގެން ދިޔައިރު ވެސް ރާއްޖޭގެ މައި ވިޔަފާރި ބަނދަރު އޮތީ އެންމެ ފުރަތަމަ އެ ބަނދަރު މާލޭގައި ޤާއިމްކުރި މިންވަރަށްކަން ވަޒީރު ފާހަގަކުރެއްވިއެވެ.

މި ޙާލަތު ބަދަލު ކުރެއްވުމަށް އިސް ނަންގަވައި، އެކަމުގެ ޢަމަލީ މަސައްކަތްޕުޅު ފައްޓަވައި، ޤައުމުގައި ހުރި މިފަދަ އެތައް ބޮޑެތި މައްސަލަތަކެއް ވެސް ޙައްލުކުރައްވަމުން ރައީސް މުޢިއްޒު ކުރިއަށް ގެންދަވަނީ ހިކުމަތްތެރިކަމާއެކު ކަމަށް ވަޒީރު މުޙައްމަދު ސަޢީދު ވިދާޅުވިއެވެ.

"ދުނިޔޭގެ މަސްރަޙަށް އަންނަ އެކި ބަދަލުތަކާއި، އިޤްތިޞާދީ އެތައް ގޮންޖެހުމެއްގެ ތެރޭގައި، ޤައުމު ނިކަމެތިވެގެން ދާން ދޫކޮށްލައިގެން ތިބެވެން ނެތްކަން ރައީސް ޑރ. މުޙައްމަދު މުޢިއްޒު އެ ގެންދަވަނީ ހިތްވަރާއެކު ސާބިތުކޮށްދެއްވަމުން."

ވަޒީރުގެ ޕޯސްޓުގައި ވިދާޅުވިއެވެ.

މީގެ އިތުރުން، ވެރިއެއްގެ ޒިންމާއަކީ ހުރަސްތަކާއި އުނދަގޫތަކާއި ކުރިމަތިލައްވައި، އިޙްލާސްތެރި މަސައްކަތެއް ކޮށްދެއްވައި، އެ ޙާލަތުން ޤައުމު މިންޖުކޮށްދެއްވުންކަން ރައީސް މުޢިއްޒު ކަށަވަރުކޮށްދެއްވަމުން ގެންދަވާކަން ވަޒީރު ފާހަގަކުރެއްވިއެވެ.

ރާއްޖޭގެ ވިޔަފާރިއާއި އިޤްތިޞާދީ ތަރައްޤީއާ އެންމެ ބޮޑަށް ގުޅިފައިވާ އެއް މަޝްރޫޢަކީ، މާލޭ ވިޔަފާރި ބަނދަރުގެ ޙާލަތު ބަދަލުކޮށް، ޒަމާނީކޮށް، އަދުގެ އިޤްތިޞާދީ ހަޤީޤަތްތަކާއި ފައިހަމަކުރުން. ވިޔަފާރީގެ ކާރުބާރު ހަލުވިކޮށް ފަސޭހަކޮށްދިނުން.

މިކަމުގެ ޚިޔާލު މީގެ އެތައް އަހަރުތަކެއް… pic.twitter.com/hGojPlMYsS

— Mohamed Saeed (@em_saeed) September 30, 2026

ތިލަފުށީގައި ޤާއިމުކުރެވޭ ޒަމާނީ ބައިނަލްއަޤްވާމީ ބަނދަރަކީ ވިޔަފާރި މުދާ އެތެރެކުރުމާއި ބޭރުކުރުމުގެ ކަންކަން މިހާރަށްވުރެ އަވަސް އަދި ހަރުދަނާ ނިޒާމަކުން ކުރިއަށް ގެންދިއުމަށް ޓަކައި ސަރުކާރުން ޚާއްޞަ އިސްކަމެއް ދެއްވައިގެން ކުރިއަށްގެންދަވާ މުހިންމު މަޝްރޫޢެކެވެ.