މިއަދު ވިލިމާލެއިން ފެނުގެ ޚިދުމަތް ކެނޑުން އެކަށީގެންވޭ: އެމްޑަބްލިޔުއެސްސީ

މިއަދު ވިލިމާލެއިން ފެނުގެ ޚިދުމަތް ކެނޑުން އެކަށީގެންވާ ކަމަށް މާލޭ ވޯޓަރ އެންޑް ސެވަރޭޖް ކަމްޕެނީ ޕްރައިވެޓް ލިމިޓެޑް (އެމްޑަބްލިޔުއެސްސީ)އިން ވިދާޅުވެއްޖެއެވެ.

އެމްޑަބްލިޔުއެސްސީން ނެރުއްވި ނޯޓިސްއެއްގައި ވިދާޅުވީ، ވިލިމާލޭގެ ފެނުގެ ނެޓްވޯކުގެ މެއިންޓެނަންސް މަސައްކަތެއް މިއަދުގެ 14:00 އިން 15:30 އަށް ކުރިއަށްދާނެ ކަމަށެވެ. 

އަދި މި ވަގުތު ތަކުގައި ދިމާވާ ޓެކްނިކަލް މައްސަލައަކާއި ގުޅިގެން ޚިދުމަތް މެދުކެނޑުމަކީ އެކަށީގެންވާ ކަމެއް ކަމަށް އެ ކުންފުނިން ވިދާޅުވިއެވެ. ނަމަވެސް ވީއެންމެ އަވަސް ފުރުސަތެއްގައި ޚިދުމަތް އަލުން ފޯރުކޮށްދައްވާނެ ކަމަށް އެމްޑަބްލިޔުއެސްސީން ވަނީ ވިދާޅުވެފައެވެ.

އަދި އެމްޑަބްލިޔުއެސްސީން ވަނީ، މިކަމުގެ ސަބަބުން ދިމާވެދާނެ ދަތިތަކަށް ކުންފުނީގެ ފަރާތުން ނިހާޔަތަށް މަޢާފަށް އެދޭ ކަމަށް ވިދާޅުވެފައެވެ.

pic.twitter.com/Df8hMA4YN7

— Male' Water and Sewerage Company Pvt. Ltd. (@MWSC_Official) September 30, 2026

މާލެ ވޯޓާ އެންޑް ސްވަރޭޖް ކޮމްޕެނީ (އެމްޑަބްލިޔުއެސްސީ) އަކީ ދިވެހިރާއްޖޭގައި ރައްކާތެރި ބޯފެނާއި ނަރުދަމާގެ ޚިދުމަތް ފޯރުކޮށްދިނުމަށް 1 އޭޕްރީލް 1995 ގައި އުފެއްދި އެންމެ ފުރަތަމަ ޔޫޓިލިޓީ ކުންފުންޏެވެ. ސަރުކާރުގެ ހިއްސާ އޮންނަ  މި ކުންފުނިން ރާއްޖޭގެ އާބާދީގެ 50 އިންސައްތައަށްވުރެ ބޮޑު ބަޔަކަށް ދަނީ ފެނާއި ނަރުދަމާގެ ޚިދުމަތް ފޯރުކޮށްދެމުންނެވެ.