ކުޅިވަރުގެ ދާއިރާއިން އެކުވެރިކަން އިތުރުކުރުމަށް ތުރުކީއާއެކު މަޝްވަރާކޮށްފި

ކުޅިވަރުގެ ދާއިރާއިން އެކުވެރިކަން އިތުރުކުރުމަށް ތުރުކީގެ  ޔޫތް އެންޑް ސްޕޯޓްސް މިނިސްޓަރ ޑރ.އުސްމާން އާޝިން ބަކްއާއެކު މަޝްވަރާކުރައްވައިފިއެވެ.

އޯ.އައި.ސީ ޔޫތް ކެޕިޓަލް 2026 ޕްރޮގްރާމްގެ ހަވާސާގައި ޒުވާނުން ބާރުވެރިކުރުވުމާއި، ކުޅިވަރާއި ހަށިހެޔޮކަމާއި ބެހޭ ވަޒީރު ޢަބްދުالله ރާފިއު ވަނީ، ތުރުކީގެ  ޔޫތް މިނިސްޓަރާއި ބައްދަލުކުރައްވާފައެވެ. މި ބައްދަލުކުރެއްވުމުގައި، ޒުވާނުންނާއި ކުޅިވަރުގެ ދާއިރާއިން ދެ ޤައުމުގެ ދެމެދުގައި އެކުވެރިކަން އިތުރުކުރުމާއި، ދެ ވުޒާރާއިން އެކުގައި މަސައްކަތް ކުރެވޭނެ ގޮތްތަކާ ބެހޭގޮތުން މަޝްވަރާ ކުރެއްވިއެވެ.

ދެ ގައުމުގެ ވުޒާރާއިން ގުޅިގެން ކުރެވޭނެ ކަންކަން ތަންފީޒު ކުރުމަށް އެކުލަވާލާ އެމްއޯޔޫއަށް އިސްކަންދީ، އެ އެމްއޯޔޫގައި ސޮއިކޮށް ވީހާ ވެސް އަވަހަކަށް ތަންފީޒު ކުރުމަށް މަސައްކަތް ކުރާނެ ކަމަށްވެސް ތުރުކީގެ ސްޕޯޓްސް މިނިސްޓްރީން ވަނީ ހާމަކުރައްވާފައެވެ. 

މީގެ އިތުރުން ތުރުކީގެ އެންމެ މަތީ ފެންވަރުގެ ޓްރެއިނިން ކޭމްޕުގެ ސަބަބުން ރާއްޖޭގެ އެތުލީޓުންނަށް ތަމްރީނު ހޯދައި މަތީ ފެންވަރުގެ ކޭމްޕުތަކުގައި ބައިވެރިވުމުގެ ފުރުސަތު ފަހިވެގެންދާނެ ކަމަށް ވެސް ތުރުކީގެ ސްޕޯޓްސް މިނިސްޓްރީގެ ބަޔާނުގައި ބުނެފައިވެއެވެ. މީގެ އިތުރުން ތުރުކީން ބާސްކެޓްބޯޅަ އާއި ވޮލީބޯޅައިގެ ހުނަރު ރާއްޖޭގެ ކޯޗުންނަށް ހޯދައިދީ އެ ހުނަރު އިތުރަށް ތަރައްގީ ކުރުމާއި ގުޅޭގޮތުން ވެސް ދެ މިނިސްޓަރުން ވަނީ މަޝްވަރާ ކުރައްވާފައެވެ.

މީގެ އިތުރުން ވެސް މި އެމްއޯޔޫގައި ސްޕޯޓްސް ޕާފޯމަންސް އެންޑް ސްޕޯޓްސް ސައިންސް، އެޑަޕްޓިވް ސްޕޯޓްސް އެންޑް ޕެރަލިމްޕިކް ޑިވެލޮޕްމަންޓް، ޔޫތް އިނޮވޭޝަން ހަބްސް، ރީޖަނަލް ޔޫތް އެންޑް ސްޕޯޓްސް ފެސިލިޓީސް، ޑޭޓާ ޑްރައިވިން ގަވަނަންސް، ޔޫތް އެންޑް އެތުލީޓް އެކްސްޗޭންޖް، ސްކޮލަޝިޕްސް، ޕަބްލިކް ހެލްތު އެންޑް ޕްރިވެންޝަން ޕްރޮގްރާމްތައް ހިމެނެއެވެ.

އަދި ދިވެހި ޒުވާނުންނާއި އެތުލީޓުންނަށް އިތުރު ފުރުސަތުތައް ފަހިކޮށްދީ، ކުޅިވަރުގެ ރޮނގުން އިތުރަށް ކުރިއަރައި ކާމިޔާބީ ހޯދުމަށް ގުޅިގެން މަސައްކަތް ކުރުމަށް ދެ ފަރާތުން ވެސް ވަނީ އެއްބަސްވެފައި ކަމަށް ޒުވާނުން ބާރުވެރިކުރުވުމާއި ކުޅިވަރާއި ހަށިހެޔޮކަމާ ބެހޭ ވުޒާރާއިން ވިދާޅުވިއެވެ.

Minister of Youth Empowerment, Sports and Fitness Abdulla Rafiu met with His Excellency Dr. Osman Aşkın Bak, Minister of Youth and Sports of the Republic of Türkiye, on the sidelines of the OIC Youth Capital 2026 programme in Konya.

The meeting focused on strengthening bilateral… pic.twitter.com/5al5BmJxXM

— Ministry of Youth Empowerment, Sports and Fitness (@MoYSF_mv) September 30, 2026