ޒިންމާދާރު ޖީލެއް ބިނާކުރުމަކީ މުސްތަޤުބަލަށް ކުރެވޭ ވަރުގަދަ އިންވެސްޓްމަންޓެއް: ވަޒީރު އިޙުސާން

އަމިއްލަ ނަފްސަށް އިތުބާރު އޮތް، ޒިންމާދާރު، އަދި ޤައުމަށް ޚިދުމަތްކުރަން ތައްޔާރަށް އޮތް ޖީލެއް ބިނާކުރުމަކީ، ޤައުމުގެ މުސްތަޤުބަލަށް ޓަކައި ކުރެވޭނެ އެންމެ ވަރުގަދަ އެއް އިންވެސްޓްމަންޓު ކަމަށް ދާޚިލީ ސަލާމަތާއި މަސައްކަތްތެރިކަމާއި ފަންނިއްޔާތާ ބެހޭ ވަޒީރު ޢަލީ އިޙްސާން ވިދާޅުވެއްޖެއެވެ.

ވަޒީރު މިފަދައިން ވިދާޅުވީ، ސަރުކާރުން ފެށި ދިވެހި ވަޠަނީ ޚިދުމަތަށް 1 އަހަރު ފުރުމުގެ މުނާސަބަތުގައި އެކްސްގައި ހިއްސާކުރެއްވި ޕޯސްޓެއްގައެވެ.

މި ޕޯސްޓުގައި ވަޒީރު ވިދާޅުވީ، ދިވެހިރާއްޖޭގެ ނޭޝަނަލް ސަރވިސްއަކީ، ޒުވާނުންގެ ކިބައިގައި އަޚްލާޤާއި ސުލޫކު، ކެތްތެރިކަމާއި ގޮންޖެހުންތަކާ ކުރިމަތިލުމުގެ ހިތްވަރާއި، ލީޑަރޝިޕް އަދި ޤައުމީ ލޯބި އަށަގަންނުވައިދޭ މުހިންމު ޕްރޮގްރާމެއް ކަމަށެވެ. އަދި މިއީ ދިރިއުޅުމުގެ ހުނަރުތައް ދަސްކޮށްދީ ވަޒީފާގެ ފުރުޞަތުތައް ފަހިކޮށްދިނުމާއެކު، މުޅި މުޖުތަމަޢަށް އިންޤިލާބީ ބަދަލެއް ގެނެސްދޭ ޚިދުމަތެއްކަން ސާބިތުވެފައިވާކަން ވަޒީރު ފާހަގަކުރެއްވިއެވެ.

މީގެ އިތުރުން، މިފަދަ ދުރުވިސްނުންތެރި އިސްނެންގެވުމަކާއެކު، ޒުވާނުންގެ ޤާބިލުކަން އިތުރުކުރުމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ކުރައްވާ އަގުހުރި މަސައްކަތް ވަޒީރު ވަނީ ފާހަގަކުރައްވާ އެކަމަށް ތައުރީފުކުރައްވާފައެވެ.

The Maldives National Service is proving to be a truly transformative programme for our youth and our society by building discipline, resilience, leadership, patriotism and essential life skills, while creating real pathways to employment and national service.

A generation that… https://t.co/AH6yKQWkL1

— Minister of Homeland Security, Labour & Technology (@min_mohst) October 1, 2026

"ދިވެހި ވަތަނީ ޚިދުމަތް" ރަސްމީކޮށް ފެށިގެން ދިޔައީ 1 އޮކްޓޫބަރު 2025 ގައެވެ. މި ޚިދުމަތް އިފްތިތާހު ކޮށްދެއްވީ ރައީސުލްޖުމްހޫރިއްޔާ އަދި ސިފައިންގެ އެންމެ މަތީ ވެރިޔާ ޑރ. މުޙައްމަދު މުޢިއްޒު، ޅ. މާފިލާފުށީގައި ހުންނަ އެމްއެންޑީއެފް ކޮމްޕޮސިޓް ޓްރޭނިން ސެންޓަރުގައި ބޭއްވުނު ޚާއްސަ ރަސްމިއްޔާތެއްގައެވެ.

މި ޕްރޮގްރާމްގެ ތިން ބެޗުން ޖުމްލަ 1,028 ޒުވާނުން ވަނީ ވަތަނީ ޚިދުމަތުގެ އަސާސީ ތަމްރީނު ފުރިހަމަކޮށް، ޤައުމީ ޚިދުމަތަށް ތައްޔާރުވެފައިވާ ބައެއްގެ ގޮތުގައި މުޖުތަމައަށް ނުކުމެފައެވެ.