"މަދިރިން ރައްކާ" ކެމްޕެއިންގެ ދަށުން ނެއިބަހުޑް 3 ގެ ސަރަހައްދުތައް ސާފުކޮށްފި

"މަދިރިން ރައްކާ" ކެމްޕޭންގެ ދަށުން ހުޅުމާލެ ފޭސް އެކެއްގެ ނެއިބަހޫޑް ތިނެއް ހިމެނޭ ސަރަހައްދު ސާފުކޮށްފިއެވެ.

މި މަސައްކަތް ކުރިއަށް ގެންގޮސްފައިވަނީ މިއަދު ހެނދުނު ހައުސިން ޑިވެލޮޕްމެންޓް ކޯޕަރޭޝަން (އެޗްޑީސީ)ގެ ސްޓްރެޓީޖިކް މެނޭޖްމަންޓް، ސޭލްސް، ފައިނޭންޝަލް އޮޕަރޭޝަންސް، ކޮންޓްރެކްޓް މެނޭޖްމަންޓް އަދި ގުޅީފަޅު އޮޕަރޭޝަންސް ޑިޕާޓްމަންޓުގެ މުވައްޒަފުނެވެ.

"މަދިރިން ރައްކާ" ޕްރޮގްރާމުގެ ދަށުން ހުޅުމާލޭގެ ބައެއް ސަރަހައްދުތައް ފޮގުކުރުމާއެކު ސާފުކުރުމުގެ މަސައްކަތް މީގެކުރިން  ވަނީ ކުރިއަށް ގެންގޮސްފައެވެ. މިގޮތުން މިދިޔަ ދެ ހަފްތާއިން ފެށިގެން ކޮންމެ ހޮޮޮނިހިރު ދުވަހެއްގައި ވަކި ސަރަހައްދެއް ސާފު ކުރުމުގެ މަސައްކަތް އެޗްޑީސީން ދަނީ ކުރަމުންނެވެ.

އެޗްޑީސީން މީގެކުރިން ވިދާޅުވެފައިވާ ގޮތުގައި އެ ޕްރޮގްރާމުގެ ދަށުން ކޮންމެ ހޮނިހިރު ދުވަހަކު ހުޅުމާލޭގެ އެކި ސަރަހައްދުތަކުގައި ސާފުކުރުމުގެ ހަރަކާތްތައް ކުރިއަށް ގެންދާނެއެވެ. މިއީ މުޖުތަމައުގެ ބައިވެރިވުން އިތުރު ކުރުމަށާއި، ތިމާވެށި ރައްކާތެރި ކުރުމުގެ ޒިންމާ އަށަގެންނެވުމަށް ކުރަމުންދާ މަސައްކަތްތަކުގެ ދަށުން އެޗްޑީސީއިން ކުރިއަށް ގެންދެވޭ ހަރަކާތެކެވެ.

'މަދިރިން ރައްކާ' ސާފުކުރުމުގެ އިޖުތިމާއީ ހަރަކާތުގެ ދަށުން މިއަދު އެޗްޑީސީގެ ސްޓްރެޓީޖިކް މެނޭޖްމަންޓް، ސޭލްސް، ފައިނޭންޝަލް އޮޕަރޭޝަންސް، ކޮންޓްރެކްޓް މެނޭޖްމަންޓް އަދި ގުޅީފަޅު އޮޕަރޭޝަންސް ޑިޕާޓްމަންޓުގެ މުވައްޒަފުން ވަނީ ނެއިބަރހުޑް 3ގެ ސަރަހައްދުތައް ސާފުކޮށްފައި.

ތިމާ… pic.twitter.com/YgPGLmcjwG

— Housing Development Corporation (@hdcmaldives) October 3, 2026

މަދިރި މަދު ކުރުމަށާއި، މަދިރީގެ ޒަރިއްޔާއިން ފެތުރޭ ބަލިތަކުގެ ނުރައްކާ ކުޑަކުރުމަށް އާންމުކޮށް ކުރިއަށްގެންދާ މަދިރި ކޮންޓްރޯލް ކުރުމުގެ ޕްރޮގްރާމުގެ ދަށުން މިއަހަރުގެ ޖެނުއަރީ މަހުން ފެށިގެން ޖުލައި މަހުގެ ނިޔަލަށް، ހުޅުމާލެ ފޭސް 1 އަދި ފޭސް 2 ގައިވެސް ވަނީ އެޗްޑީސީން ވަނީ ގިނަ ހަރަކާތްތަކެއް ކުރިއަށް ގެންގޮސްފައެވެ.