ހުޅުމާލެ ޕޮލިސް ކޮމާންޑުން އިއްޔެ ކުޑަކުދިންގެ ހަވީރެއް ބާއްވައިފި

ހުޅުމާލެ ޕޮލިސް ކޮމާންޑުން އިއްޔެ ކުުޑަކުދިންނަށް ހާއްސަކޮށްގެން ހަވީރެއް ބާއްވައިފިއެވެ.

ކުޑަކުދިންނަށް ހާއްސަ ތަފާތު ކުޅިވަރުތަކާއެކު މި ހަވީރު ބާއްވާފައިވަނީ ހުޅުމާލެ ފޭސް 2 ރުއްގަނޑު ސަރަހައްދުގައެވެ. މި ހަވީރު ފައްޓަވައިދެއްވީ ކޮމިޝަނަރ އޮފް ޕޮލިސް (ރިޑަޔާޑް) ހަމްދޫން ރަޝީދުއެވެ.

އޮކްޓޫބަރު މަހުގެ 3 ވަނަ ދުވަހު ކުޑަކުދިންނަށް ހާއްސަ ތަފާތު ކުޅިވަރުތަކާއެކު މި ހަވީރު ބާއްވާފައިވަނީ ހުޅުމާލެ ފޭސް 2 ރުއްގަނޑު ސަރަހައްދުގައެވެ. ⭕ އިތުރު ތަފުސީލު: https://t.co/F7VyqjZpXx https://t.co/DjgNChRBgq

— Maldives Police (@PoliceMv) October 4, 2026

ފުލުުހުންގެ ޚިދުމަތުގެ ދުވަހާ ގުޅުވައިގެން ބޭއްވި މި ހަވީރުގައި، ޕޮލިސް މެޑިކަލް، އެފްސީޕީ، އެންޓި ސްކޭމް ސެންޓަރު، މެރިން ޕޮލިސް، ފޮރެންސިކް، ކޭނައިން ސްކޮޑް، އެސްއޯ އަދި ހުޅުމާލެ ޓްރެފިކް ޕޮލިހުން ބައިވެރިވެ ސްޓޯލްތައް ބަހައްޓައި ކުޑަކުދިން ޝައުގުވެރިވާނެފަދަ ކުޅިވަރުގެ ހަަރަކާތްތަކާއި މައުލޫމާތު ދިނުން ވަނީ ކުރިއަށް ގެންގޮސްފައެވެ. މި ހަވީރު ކުރިއަށް ގެންގޮސްފައިވަނީ ޕަބްލިކް ޓްރަސްޓް އެންޑް ކޮންފިޑެންސް މެނޭޖްމަންޓުގެ ހާއްސަ އެހީތެރިކަމާއެކުގައެވެ.

ފުލުހުން ވިދާޅުވީ، މި ހަވީރަށް އާންމުންގެ ފުރިހަަމ އެއްބާރުލުން ލިބިގެން ގޮސްފައިވާކަމަށެވެ. މި ހަވީރުގައި ބައިވެރިވެ ޓާސްކުތައް ފުރިހަމަކުރި ކޮންމެ ކުއްޖަކަށް ވެސް ހަދިޔާ ދީފައިވެއެވެ.