މޯލްޑިވްސް އެކްސްޕޯގެ ޕާޓްނަރުންނާއެކު ސޮއިކޮށްފި

ދިވެހި އުފެއްދުންތެރިންނާއި ވިޔަފާރިތައް ކުރިއެރުވުމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ގެންގުޅުއްވާ ހަރުދަނާ ސިޔާސަތުގެ ދަށުން، ބޭއްވުމަށް ހަމަޖެހިފައިވާ "މޯލްޑިވްސް އެކްސްޕޯ 2026" ނުވަތަ "ދިވެހީންގެ އުފެއްދުންތެރިކަމުގެ މައުރަޒު 2026"ގެ  ޕާޓްނަރުންނާއިއެކު އެއްބަސްވުންތަކުގައި ސޮއިކޮށްފިއެވެ.

މި އެއްބަސްވުންތަކުގައި ސޮއިކޮށްފައި ވަނީ، "ރެޑީ ސެޓް މަޢުރަޒު 26"ގެ ނަމުގައި  މައުރަޒު ލޯންޗުކުރުމަށް ރޭ ބޭއްވި ހާއްސަ ރަސްމިއްޔާތުގެ ތެރެއިންނެވެ. 

މައުރަޒުގެ  ޕާޓްނަރުން:

• ވޭސްޓް މެނޭޖްމެންޓް ކޯޕަރޭޝަން (ވެމްކޯ)
• ސްޓޭޓް އިލްކްޓްރިކް ކޮމްޕެނީ ލިމިޓެޑް (ސްޓެލްކޯ)
• ހައުސިންގ ޑިވެލޮޕްމެންޓް ކޯޕަރޭޝަން (އެޗްޑީސީ)
• ފަހި ޕޭ
• ދަ ހޯވްކްސް ޕްރައިވެޓް ލިމިޓެޑް
• މީޑިއާ ނެޓާއި އައިސް ޓީވީ
• މޯލްޑިވްސް އިނޮވޭޝަން އެންޑް ޑިޖިޓަލް ކޮމްޕަނީ (މައިންޑްކޯ)
• އީޒެޕް
• ވަށް މާފުށި
• އަވަސް

މި މައުރަޒުގައި ޕާޓްނަރުންގެ ދައުރު ނުހަނު ބޮޑުވާނެކަން ފާހަގަކުރައްވާ، އިގުތިސާދީ ތަރައްޤީއާއި ދަތުރުފަތުރާއި ވިޔަފާރިއާ ބެހޭ ވުޒާރާއާއި، ބިޒްނަސް ސެންޓަރ ކޯޕަރޭޝަން (ބީސީސީ)އިން ވަނީ އެ ބޭފުޅުންނަށް ޝުކުރުދަންނަވާފައެވެ.

މިދިޔަ އަހަރު ބޭއްވުނު "މޯލްޑިވްސް އެކްސްޕޯ 2025" ވެގެންދިޔައީ ރާއްޖޭގެ ތާރީޚުގައި ވެސް އެންމެ ގިނަ އަދަދެއްގެ ދިވެހި ހުނަރުވެރިންނާއި ވިޔަފާރިތައް އެއް ފުރާޅެއްގެ ދަށުން ފެނިގެންދިޔަ އެންމެ ކާމިޔާބު އެއް މަންސައަށެވެ. އެ ކާމިޔާބީގެ މައްޗަށް ބިނާކޮށް، ރައީސް ޑރ. މުޢިއްޒުގެ ޒަޢާމަތުގައި މި އަހަރުގެ މައުރަޒު ބާއްވަން ނިންމާފައިވަނީ މާ ފުރިހަމަކޮށް އަދި އައު ބަދަލުތަކަކާ އެކުގައެވެ.

މި މައުރަޒު ބޭއްވުމަށް ހަމަޖެހިފައިވަނީ އޮކްޓޫބަރު މަހުގެ 25 އިން ނޮވެމްބަރު މަހުގެ 2 ވަނަ ދުވަހުގެ ނިޔަލަށް ހުޅުމާލެ ސެންޓްރަލް ޕާކުގައެވެ.