މޯލްޑިވްސް އެކްސްޕޯގެ ބޮޑުބެރު މުބާރާތުގައި 10 ޓީމެއް ވާދަކުރަނީ

"މޯލްޑިވްސް އެކްސްޕޯ 2026" ނުވަތަ "ދިވެހީންގެ އުފެއްދުންތެރިކަމުގެ މައުރަޒު 2026"ގެ ބޮޑުބެރު މުބާރާތުގައި 10 ޓީމެއް ވާދަކުރާނެކަން އިއުލާނުކޮށްފިއެވެ. 

މިކަން އިއުލާނުކޮށްފައި ވަނީ،  "ރެޑީ ސެޓް މަޢުރަޒު 26"ގެ ނަމުގައި  މައުރަޒު ލޯންޗުކުރުމަށް ރޭ ބޭއްވި ހާއްސަ ރަސްމިއްޔާތުގެ ތެރެއިންނެވެ.

ވާދަކުރާ ބޮޑުބެރު ޓީމުތައް:

1. އެކަތި ބޮޑުބެރު
2. ސާދަ ތިރީސް އަށެއް
3. އެންދެރި ބޮޑުބެރު ގްރޫޕް
4. ރިދަމް ބޮޑުބެރު
5. ހޭވައްލާ ބޮޑުބެރު
6. ހޭވާލި ބޮޑުބެރު
7. މަންނަ ބޮޑުބެރު
8. ޗާލޭ ބޮޑުބެރު
9. އެމް.އެން.ޔޫ ބޮޑުބެރު
10. މަންނަޔަންސް ބޮޑުބެރު

މިއަހަރުގެ ބޮޑުބެރު މުބާރާތުގައި 2025 ވަނަ އަހަރަށްވުރެ ބައިވެރިން ގިނަކަމާއި، މި މުބާރާތް ކުރިއަށްދާނީ ވަރަށް ވާދަވެރިކޮށްކަން ރަސްމިއްޔާތުގައި ވަނީ ފާހަގަކުރައްވާފައެވެ. 

"ފިއުޗަރ މޯލްޑިވްސް – އިނޮވޭޝަން، ކްރިއޭޓިވިޓީ އެންޑް ގްލޯބަލް ކަނެކްޝަންސް" މި ޝިޢާރުގެ ދަށުން، މިނިސްޓްރީ އޮފް އިކޮނޮމިކް ޑިވެލޮޕްމަންޓް އެންޑް ޓްރޭޑުން އިންތިޒާމުކޮށް، ބިޒްނަސް ސެންޓަރ ކޯޕަރޭޝަން (ބީސީސީ) އިން އިމްޕްލިމެންޓްކުރާ މި މައުރަޒު ބޭއްވުމަށް ހަމަޖެހިފައިވަނީ އޮކްޓޫބަރު މަހުގެ 25 އިން ނޮވެމްބަރު މަހުގެ 2 ވަނަ ދުވަހުގެ ނިޔަލަށް ހުޅުމާލެ ސެންޓްރަލް ޕާކުގައެވެ.