މޯލްޑިވްސް އެކްސްޕޯގެ ސަގާފީ ވާދައިގައި 9 ޓީމަކުން ވާދަކުރަނީ

"މޯލްޑިވްސް އެކްސްޕޯ 2026" ނުވަތަ "ދިވެހީންގެ އުފެއްދުންތެރިކަމުގެ މައުރަޒު 2026"ގެ ސަޤާފީ ވާދަ މުބާރާތުގައި 9 ޓީމަކުން ވާދަކުރާނެކަން އިއުލާނުކޮށްފިއެވެ. 

މިކަން އިއުލާނުކޮށްފައި ވަނީ،  "ރެޑީ ސެޓް މަޢުރަޒު 26"ގެ ނަމުގައި  މައުރަޒު ލޯންޗުކުރުމަށް ރޭ ބޭއްވި ހާއްސަ ރަސްމިއްޔާތުގެ ތެރެއިންނެވެ. 

ސަޤާފީ ވާދަ މުބާރާތުގައި ވާދަކުރާ ޓީމުތައް:

1. އެވޭލާ ބައި އިންކްލިކްސް
2. އެކްސްޓްރީމް ލެވެލް
3. ހިޔަލަ
4. ޕަރޕަލް ވިންގްސް
5. މާބައިދޫ ކައުންސިލް
6. ބ. ހިތާދޫ ޔޫތު ވިންގް ޖަމްޢިއްޔާ
7. އޮމަލަ
8. ޓީމް މަލަކާ
9. އެމް.އެން.ޔޫ ޑާންސް ގްރޫޕް

ސަޤާފީ ވާދަ މުބާރާތަކީ މިއަހަރު އަލަށް އިންތިޒާމުކޮށްގެން މި އެކްސްޕޯގެ ތެރެއިން ބާއްވާ މުބާރާތެކެވެ.

"ފިއުޗަރ މޯލްޑިވްސް – އިނޮވޭޝަން، ކްރިއޭޓިވިޓީ އެންޑް ގްލޯބަލް ކަނެކްޝަންސް" މި ޝިޢާރުގެ ދަށުން، މިނިސްޓްރީ އޮފް އިކޮނޮމިކް ޑިވެލޮޕްމަންޓް އެންޑް ޓްރޭޑުން އިންތިޒާމުކޮށް، ބިޒްނަސް ސެންޓަރ ކޯޕަރޭޝަން (ބީސީސީ) އިން އިމްޕްލިމެންޓްކުރާ މި މައުރަޒު ބޭއްވުމަށް ހަމަޖެހިފައިވަނީ އޮކްޓޫބަރު މަހުގެ 25 އިން ނޮވެމްބަރު މަހުގެ 2 ވަނަ ދުވަހުގެ ނިޔަލަށް ހުޅުމާލެ ސެންޓްރަލް ޕާކުގައެވެ.