ވިލިމާލޭގައި ހިންގި ޑްރަގް އޮޕަރޭޝަނެއްގައި ފިލްމީ ދާއިރާގެ 3 މީހަކު ހައްޔަރުކޮށްފި

ވިލިމާލޭގައި ހިންގި ޑްރަގް އޮޕަރޭޝަނެއްގައި ފިލްމީ ދާއިރާގެ 3 މީހަކު ހައްޔަރުކޮށްފައިވާ ކަމަށް ދިވެހި ފުލުހުންގެ ޚިދުމަތުން ވިދާޅުވެއްޖެއެވެ.

ދިވެހި ފުލުހުންގެ ޚިދުމަތުން ވިދާޅުވީ، ވިލިމާލޭގައި ކުރިއަށް ގެންދާ އެންޓި ނާކޮޓިކްސް އޮޕަރޭޝަނެއްގައި 4 ދިވެހި ފިރިހެނަކު އެ އިދާރާގެ ބެލުމުގެ ދަށަށް ގެނެސް ބަލައި ފާސް ކުރުމުގެ މަސައްކަތް ކުރަމުންދާ ކަމަށެވެ. 

އަދި ބެލުމުގެ ދަށަށް ގެނައި މީހުންގެ ތެރޭގައި ފިލްމީ ދާއިރާގައި ހަރަކާތްތެރިވާ 3 މީހަކު ހިމެނޭ ކަމަށް ފުލުހުން ވިދާޅުވިއެވެ.

މައުލޫމާތު ލިބޭ ގޮތުގައި އެ ތިން ފިލްމީ ތަރިންނަކީ، އަޙްމަދު އަޒްމީލް (އަޒޭ) މުޙައްމަދު ވިޝާލް (ރޯމަން)، އަދި އިސްމާޢީލް ޖުމައިހް (ޖުމައިހް) އެވެ.