ބޭސިކް މެރިކަލްޗާރ ޓްރެއިނިންގ ކޯހުގެ ތިންވަނަ ބުރު މަނިޔަފުށީގައި ފަށައިފި

މެރިން ހެޗަރީ ސްކިލްސް ޑިވެލޮޕްމަންޓް ޕްރޮގްރާމްގެ ދަށުން ކުރިއަށްގެންދާ، 2026 ވަނަ އަހަރުގެ ބޭސިކް މެރިކަލްޗަރ ޓްރެއިނިންގ ޕްރޮގްރާމުގެ ތިންވަނަ ބެޗް މަނިޔަފުށީ ރިސާޗް އެންޑް ޓްރެއިނިންގ ފެސިލިޓީގައި މިއަދު ރަސްމީކޮށް ފަށައިފިއެވެ. މި ބުރުގައި އަންހެން ބައިވެރިއަކާއެކު ޖުމްލަ 15 ފަރާތްކުން ބައިވެރިވެއެވެ.

ކުރިއަށް އޮތް 14 ދުވަހުގެ ތެރޭގައި، މެރިކަލްޗަރ ޓެކްނިކްސްތަކާއި، ބަލިތަކުން ރައްކާތެރިވުމާއި ބަލިތައް މެނޭޖްކުރުމާއި، ލައިވް ފީޑް (ދިރޭ ކާނާ) އުފެއްދުމާއި، ތިމާވެށި ހިމާޔަތްކުރުމުގެ އުސޫލުތަކާ ގުޅޭގޮތުން ބައިވެރިންނަށް މުހިންމު މައުލޫމާތާއި އަމަލީ ތަޖުރިބާ ލިބިގެންދާނެ ކަމަށް މަސްވެރިކަމާއި ދަނޑުވެރިކަމާއި ކަނޑުގެ ވަސީލަތްތަކާ ބެހޭ ވުޒާރާއިން ވިދާޅުވެއެވެ.

The third batch of the Basic Mariculture Training Programme for 2026, conducted under the Marine Hatchery Skills Development Programme, officially commenced today at the Maniyafushi Research and Training Facility, with a total of 15 participants, including one female participant. Over the next 14 days, participants will gain essential knowledge and hands-on experience in mariculture techniques, disease prevention and management, live feed production, and environmental protection practices. The programme aims to strengthen local capacity in mariculture and promote the sustainable development of the aquaculture sector in the Maldives.

— Min of Fisheries, Agriculture and Ocean Resources (@MFAORmv) October 10, 2026

މި ޕްރޮގްރާމުގެ މަގުސަދަކީ މެރިކަލްޗަރގެ ދާއިރާއިން ދިވެހިންގެ ގާބިލުކަން އިތުރުކުރުމާއި، ރާއްޖޭގައި އެކުއަކަލްޗަރ ދާއިރާ ދެމެހެއްޓެނިވި ގޮތެއްގައި ކުރިއެރުވުމަށް ބާރުއެޅުމެވެ.

ވަރލްޑް ބޭންކުގެއެހީތެރިކަމާއެކު، މަސްވެރިކަމާއި ދަނޑުވެރިކަމާއި ކަނޑުގެ ވަސީލަތްތަކާ ބެހޭ ވުޒާރާއިން ކުރިއަށްގެންދާ ޓްރާންސްފޯމް ޕްރޮޖެކްޓުގެ ދަށުން، މޯލްޑިވްސް މެރިން ރިސާރޗް އިންސްޓިޓިއުޓުން އިންތިޒާމުކުރާ މި ތަމްރީނު ޕްރޮގްރާމަކީ ރާއްޖޭގައި މެރިކަލްޗަރ  ސިނާއަތް ފުޅާކުރުމަށް ބޭނުންވާ ޤާބިލު ދިވެހި ޒުވާނުން ތައްޔާރުކުރުމަށް ކުރިއަށްގެންދާ ހަރަކާތެކެވެ.

ރާއްޖޭގައި މެރިކަލްޗަރ ދާއިރާ ތަރައްގީ ކުރުމަކީ ރައީސް މުޢިއްޒުގެ ސަރުކާރުން ވަރަށް ހާއްސަ އިސްކަމެއް ދެއްވާ ދާއިރާއެއްކަން މަސްވެރިކަމާއި ބެހޭ ވުޒާރާއިން ފާހަގަކުރައްވައެވެ. އަދި މި ދާއިރާ ތަރައްގީ ކުރުމަށް އަދުގެ  ސަރުކާރުން ގިނަ މަސައްކަތްތަކެއް ވަނީ ފަށާފައެވެ.