ވަރުގަދަ މުޖުތަމަޢެއް ބިނާކުރުމުގައި އަންހެން ކުދިންގެ އަޑު މުހިންމު: މެޑަމް ސާޖިދާ

ވަރުގަދަ މުޖުތަމައެއް ބިނާކުރުމުގައި އަންހެން ކުދިންގެ އަޑާއި، ހުނަރާއި، އިސްނެގުން މުހިންމު ދައުރެއް އަދާކުރާ ކަމަށް ރައީސުލްޖުމްހޫރިއްޔާގެ އަނބިކަނބަލުން ސާޖިދާ މުޙައްމަދު ވިދާޅުވެއްޖެއެވެ.

ބައިނަލްއަޤްވާމީ އަންހެން ކުދިންގެ ދުވަހާ ގުޅިގެން އެކްސްގައި ކުރެއްވި ޕޯސްޓެއްގައި މެޑަމް ސާޖިދާ ވިދާޅުވީ، ދިވެހިރާއްޖެއާއި މުޅި ދުނިޔޭގެ އެކި ކަންކޮޅުތަކުގައި އުޅޭ އަންހެން ކުދިންގެ ބާރާއި، އުންމީދާއި، ޤާބިލުކަން ފާހަގަކުރަންޖެހޭ ކަމަށެވެ. އަދި އަންހެން ކުދިންނަކީ ލީޑަރުން ކަމަށާއި، އެކުދިންނަކީ އައު އީޖާދުތައް އުފައްދާ ފަރާތްތަކުގެ އިތުރުން ހެޔޮ ބަދަލުތައް ގެނެސްދޭ ބައެއްކަން ވެސް އެކަމަނާ ފާހަގަކުރެއްވިއެވެ.

އަންހެން ކުދިން ބާރުވެރިކުރުވުމަކީ ހަމައެކަނި އެކުދިންގެ އަމިއްލަ ދިރިއުޅުން ބަދަލުކޮށްލާ ކަމެއް ނޫންކަން ފާހަގަކުރައްވަމުން، އެކުދިންނާއެކު ޤައުމުގެ މުސްތަޤްބަލު ކަމަށް މެޑަމް ސާޖިދާ ވިދާޅުވިއެވެ.

މީގެއިތުރުން، ތަޢުލީމާއި، ޢާންމު ޚިދުމަތްތަކާއި، ވިޔަފާރިވެރިކަމާއި، ކުޅިވަރާއި، އަދި މުޖުތަމަޢުގެ އިސް ސަފުގައި އަންހެން ކުދިންނާއި ޒުވާން އަންހެނުން ފާހަގަކޮށްލެވޭ ފަދަ ޚިދުމަތްތަކެއް ކޮށްދެމުންދާ މަންޒަރު ދިވެހިރާއްޖެއިން ފެންނަމުންދާ ކަމަށްވެސް އެކަމަނާ ވިދާޅުވިއެވެ. އަދި އެކުދިންގެ އަގުނުކުރެވޭ ފަދަ ޚިދުމަތްތަކާއި ކާމިޔާބީތަކަކީ، ވަރުގަދަ، ދެމެހެއްޓެނިވި ޤައުމުތަކެއް ބިނާކުރުމަށް މަގުފަހިކޮށްދޭ ކަންކަން ކަމުގައި ވެސް އެކަމަނާ ފާހަގަކުރެއްވިއެވެ.

On International #DayOfTheGirl, we celebrate the strength, ambition, and endless potential of girls in the Maldives and around the world. Girls are leaders, innovators, and changemakers whose voices, talents, and leadership contributes extensively to stronger and more resilient societies. When girls are empowered, they do not solely transform their own lives, they carry the future of our nation. The Maldives has witnessed the remarkable contributions of girls and young women in education, public service, entrepreneurship, sports, and community leadership. Their invaluable contributions and achievements are extensively shaping stronger and enduring nations.

— First Lady Sajidha Mohamed (@sajidhaamohamed) October 11, 2026

ކޮންމެ އަހަރެއްގެ ވެސް އޮކްޓޫބަރު 11 ވަނަ ދުވަހު ފާހަގަކުރާ ބައިނަލްއަގްވާމީ އަންހެން ކުދިންގެ ދުވަހަކީ، އަންހެން ކުދިންގެ ހައްގުތައް ރައްކާތެރިކޮށް، އެ ކުދިންނަށް ކުރިމަތިވާ ގޮންޖެހުންތަކާ މެދު ހޭލުންތެރިކަން އިތުރުކުރުމަށް ފާހަގަކުރާ މުހިންމު ދުވަހެކެވެ. މި ދުވަހުގެ މައިގަނޑު މަގުސަދަކީ އަންހެން ކުދިންނަށް ފުރިހަމަ ތައުލީމާއި ސިއްހީ ރައްކާތެރިކަން ކަށަވަރުކޮށްދިނުމާއި، ތަފާތުކުރުންތަކާއި އަނިޔާއިން އެ ކުދިން ސަލާމަތްކޮށް، މުޖުތަމައުގައި އެ ކުދިން ބާރުވެރިކުރުވުމެވެ.