ރާއްޖޭގެ ދެކުނުން 5.2 މެގްނިޓިއުޑްގެ ބިންހެލުމެއް އަތުވެއްޖެ

ދިވެހިރާއްޖޭގެ ދެކުނުން އޮންނަ މިޑް އިންޑިއަން ރިޖްއަށް ބިންހެލުމެއް އަތުވެއްޖެއެވެ.

މޫސުމާ ބެހޭ ޤައުމީ އިދާރާ (މެޓް އޮފީސް) އިން ހާމަކޮށްފައިވާ މަޢުލޫމާތުތަކަށް ބަލާއިރު، މި ސަރަޙައްދަށް އައިސްފައިވަނީ ރެކްޓަރ މިންގަނޑުން 5.2 މެގްނިޓިއުޑްގެ ބާރުމިނުގެ ބިންހެލުމެކެވެ.

މެޓް އޮފީހުން މަޢުލޫމާތު ދީފައިވާ ގޮތުގައި، މި ބިންހެލުން އުފެދުނު ސަރަޙައްދަކީ ރާއްޖޭގެ އެންމެ ދެކުނުން އޮންނަ އައްޑޫ ސިޓީއާ ގާތްގަނޑަކަށް 1،245 ކިލޯމީޓަރު ދުރުގައި އޮންނަ ހިސާބެކެވެ. 

https://t.co/HiQcxJRVdL

— Maldives Meteorology (@MetMaldives) October 12, 2026

އަދި ބިންހެލުން އައި ސަރަޙައްދު ރާއްޖެއާ ދުރުގައި އޮތުމުގެ ސަބަބުން، މި ބިންހެލުމުގެ ސީދާ އަސަރު ދިވެހިރާއްޖެއަށް ނުކުރާނެ ކަމަށްވެސް އެ އިދާރާއިން ވަނީ ޔަޤީންކޮށްދީފައެވެ.

މިދިޔަ ހަފްތާގައި ޗާގޯސް ރަށްތަކުގެ ކައިރިއަށް ވެސް ބިންހެލުމެއް އައިސްފައި ވެއެވެ. އެ ބިންހެލުން ރެކްޓަރ މިންގަނޑުން 5.0 މެގްނިޓިއުޑްގެ ބާރުމިނުގައި އައިއިރު، އޭގެ އެއްވެސް އަސަރެއް ރާއްޖެއަކަށް ނުކުރެއެވެ.