ހަށިގަނޑުގެ ބައްޓަމާއި ބަރުދަން: އަމިއްލަ ނަފްސުގެ އިތުބާރު ގެއްލެނީ ކީއްވެ؟

އިންސާނާގެ ދިރިއުޅުމުގައި އެންމެ މުހިންމު އެއް އަސާސަކީ އަމިއްލަ ނަފްސަށް އޮންނަ އިތުބާރެވެ. ސްލްފް އެސްޓީމެވެ.  ނަމަވެސް، މިއަދުގެ މުޖުތަމަޢުގައި ވަރަށް ގިނަ އަންހެން ކުދިންނަށް ކުރިމަތިވެފައިވާ އެންމެ ބޮޑު ގޮންޖެހުމަކީ ތިމާގެ ހަށިގަނޑުގެ ބައްޓަމާއި ބަރުދަނާމެދު މާބޮޑަށް ވިސްނައި، އެކަމުގެ ސަބަބުން އަމިއްލަ ނަފްސަށް އޮންނަ އިތުބާރު ގެއްލިގެން ދިއުމެވެ. ވަކިން ޚާއްޞަކޮށް، މާ ބޮޑަށް ހިކި ނޫން އަދި މާ ބޮޑަށް ފަލަ ނޫން—މެދުމިނުގެ ބަރުދަނެއް ހުންނަ ކުދިންގެ މެދުގައި މި ނުތަނަވަސްކަން އޮތީ އިންތިހާއަށް ބޮޑުވެފައެވެ.

މި މައްސަލަ އުފެދެން މެދުވެރިވާ މައިގަނޑު އެއް ސަބަބަކީ މީސްމީޑިއާއިން ދައްކުވައިދޭ "ފުރިހަމަ ސިފަ" ނުވަތަ "އައިޑިއަލް ބޮޑީ ޓައިޕް" ތަކެވެ. ވަކި ގޮތަކަށް ބައްޓަންވެފައިވާ ހަށިގަނޑެއް ނެތް ކޮންމެ އަންހެން ކުއްޖަކަށް، ތިމާއަކީ ބަލައިގަންނަން އުނދަގޫ ސިފައެއް ހުރި މީހެއް ކަމުގެ އިޙްސާސް ކުރެވެއެވެ. މީގެއިތުރުން، ޢާއިލާގެ ތެރޭގައި ޑައެޓަށާއި ހިކިކޮށް ހުރުމަށް މާބޮޑަށް ބާރުއަޅާ މާޙައުލެއްގައި ބޮޑުވާ ކުދިންނަށް މި ބުރަ އިތުރަށް ބޮޑުވެގެންދެއެވެ. ޤަވާއިދުން ކަސްރަތުކޮށް، ފައިދާހުރި ކާނާ ބޭނުންކުރި ނަމަވެސް، އުފެދުމުގައި ހުންނަ ގުދުރަތީ ބައްޓަން ބަދަލުނުވުމުން އަމިއްލަ ނަފްސާމެދު މާޔޫސްކަން އުފެދެއެވެ.

މިފަދަ ނުތަނަވަސްކަމުގެ ސަބަބުން ގިނަ ޒުވާނުންގެ ހިތުގައި އުފެދޭ އެންމެ ބޮޑު ސުވާލަކީ؛ "ފިރިހެނުން މެދުމިނުގެ ބަރުދަނެއް ހުންނަ ނުވަތަ ކުޑަކޮށް ފަލަކޮށް ތިބޭ އަންހެން ކުދިންނަށް ހިތްކިޔާނެ ބާވައެވެ؟" އަދި ހަޔާތުގެ ބައިވެރިއަކު ހޯދުމުގައާއި، ގާތް ގުޅުމެއް ބޭއްވުމުގައި އަނެކާ ތިމާގެ ސިފައާމެދު ފޫހިވެދާނެ ކަމުގެ ބިރުވެރިކަން އަބަދުވެސް ހިތުގައި އޮވެއެވެ. މިއީ ހެދުން އެޅުމުގެ ވައްޓަފާޅިން ހަށިގަނޑުގެ އުނިކަންކަން ފޮރުވަން އާދަވެފައިވާ ކުދިންނަށް ކުރިމަތިވާ ވަރަށް ޢާންމު ބިރެކެވެ.

ނަމަވެސް ޙަޤީޤަތަކީ، ފިރިހެނުންގެ ވިސްނުމާއި ޝައުޤުވެރިކަން ވަކި އެއް މިސްރާބަކަށް ހުއްޓިފައި ނުވާ ކަމެވެ. ދިރާސާތަކާއި ތަޖުރިބާތަކުން ސާބިތުވާ ގޮތުގައި، ކޮންމެ ފިރިހެނަކީ ހަމައެކަނި މޮޑެލް އެއްފަދަ ހިކި ނުވަތަ ވަކި ގޮތަކަށް ބައްޓަންވެފައިވާ ކުދިންނަށް ޝައުޤުވެރިވާ މީހެއް ނޫނެވެ. ގިނަ ފިރިހެނުންނަށް މެދުމިނުގެ ބަރުދަނެއް ހުންނަ (މިޑް-ސައިޒް) އަންހެން ކުދިން ވަރަށް ބޮޑަށް ކަމުދެއެވެ. އަދި ބޭރުފުށުގެ ވަކި ގުނަވަނެއްގެ ބޮޑުމިނަށްވުރެ ބޮޑަށް، އެމީހުންގެ ޝައުޤުވެރިކަން ދަމައިގަންނަނީ މޫނުމަތީގެ ތާޒާކަމާއި، ސާފުތާހިރުކަމާއި، ހިނިތުންވުމާއި، އަދި އެންމެ މުހިންމު ގޮތެއްގައި އަންހެން ކުއްޖާގެ އަމިއްލަ ނަފްސަށް އޮންނަ އިތުބާރެވެ.

މި މައްސަލައިގެ އެންމެ މުހިންމު ފިލާވަޅަކީ، އަނެކުން އަހަރެމެން ދެކޭ ގޮތާމެދު ކަންބޮޑުވުމުގެ ކުރިން، އަމިއްލަ ނަފްސު ޤަބޫލުކުރަން ދަސްކުރުމެވެ. އަމިއްލަ ނަފްސު ދަސް ކުރުމެވެ. ތިމާގެ އަމިއްލަ ހަށިގަނޑާމެދު ނަފްރަތުކުރާނަމަ، އެހެން މީހަކު ކިތަންމެ ވަރަކަށް ތަޢުރީފު ކުރިޔަސް އެކަން ޤަބޫލުކުރަން ދަތިވާނެއެވެ. ސިއްޙަތު ރަނގަޅު ދިރިއުޅުމެއް އުޅުމާއެކު، ތިމާއަށް ލިބިފައިވާ ގުދުރަތީ ސިފައާމެދު ފަޚުރުވެރިވުމަކީ އަމިއްލަ ޝަޚްޞިއްޔަތު އެންމެ ފުރިހަމަވާނެ ގޮތެވެ. އަމިއްލަ ނަފްސަށް އިތުބާރުކުރާ އަންހެނަކީ ކޮންމެ ސައިޒެއްގައި ހުރި ނަމަވެސް، އަނެކުންގެ ލޮލުގައި އެންމެ ރީތި، އެންމެ ޖަޒުބާތީ އިންސާނާއެވެ.