މާލޭގެ ގެސްޓް ހައުސްއެއްގައި ޒަޚަމްވެފައި އޮތް މީހާއަށް އައިސީޔޫގައި ފަރުވާ ދެނީ

ޒަޚަމްތަކަކާއެކު މާލޭގެ ގެސްޓްހައުސްއެއްގައި އޮތް މީހަކު ފެނިފައިވާކަމަށާއި މިހާރު އެމީހާއަށް އައިޖީއެމްއެޗްގެ އައިސީޔޫގައި ފަރުވާ ދެމުންދާކަމަށް ފުލުހުން ވިދާޅުވެއްޖެއެވެ.

ފުލުހުން ވިދާޅުވީ، މާފަންނު ގެސްޓްހައުސްއެއްގެ ކޮޓަރިއެއްގައި އުޅޭ މި މީހާގެ ޚަބަރެއް ނުވާކަމަށް ލިބުނު މަޢުލޫމާތަކާއި ގުޅިގެން މިއަދު ފުލުހުން އެތަނަށް ގޮސް ބަލާފައިވާކަމަށެވެ. މިއީ ދިވެހި ފިރިހެނެއް ކަމަށްވެސް ފުލުހުން މަޢުލޫމާތުދެއެވެ. 

އެމީހާއަށް ލިބިފައިވާ ގެއްލުމުގެ މަޢުލޫމާތު ހާމަ ކޮށްފައި ނުވި ނަމަވެސް، ހާދިސާ ހިނގި ތަނުގައި ފުލުހުންގެ ތަހުގީގު ޓީމު މިހާރު ހަރަކާތްތެރިވަމުން އަންނަ ކަމަށް ފުލުހުން ވިދާޅުވިއެވެ.