ޚަބަރު
ރައީސް ޑރ. މުޙައްމަދު މުޢިއްޒުގެ ސަރުކާރުގައި ވަގުންނަށް ޖާގައެއް ނޯންނާނެ: އެމްޕީ އަޒާން

ހިތަދޫ މެދު ދާއިރާގެ މެންބަރު އަޙްމަދު އަޒާން ފޮޮޓޯ:މޯލްޑިވިއަން ޖަރނަލް
ވައްކަމުގެ ތުހުމަތުތައް ބަލައި ފިޔަވަޅު އަޅާނެ ކަމަށާއި އެސް.އޯ.އީތަކުގެ ވެރިންނަށް ރަނގަޅު މެސެޖެއް ލިބޭނެކަމަށް އުންމީދުކުރައްވާ ކަމަށް ހިތަދޫ މެދު ދާއިރާގެ މެންބަރު އަޙްމަދު އަޒާން ވިދާޅުވެއްޖެއެވެ.މިކަން ފާހަގަކުރެއްވީ ސޯޝަލް މީޑިއާ ގައި ކުރެއްވި ޕޯސްޓެއްގައެވެ.
އަޒާން އެ ޕޯސްޓުގައި ވިދާޅުވެފައިވަނީ، މިއީ އެހެން އެސް.އޯ.އީ ތަކުގެ ވެރިންނަށް ވެސް ލިބޭ ރަނގަޅު މެސެޖެއް ކަމަށް އުންމީދު ކުރައްވާކަމަށާއި ވައްކަމުގެ ތުހުމަތު ކުރެވުނީމަ މައްސަލަ ބަލައި ފިޔަވަޅު އަޅާނެކަމަށެވެ.
މީގެ އިތުރުން، ރައީސް ޑރ. މުޙައްމަދު މުޢިއްޒުގެ ސަރުކާރުގައި ވައްކަމަށް ޖާގައެއް ނޯންނާނެ ކަމަށްވެސް އަޒާން ވިދާޅުވެފައިވެއެވެ. މިއީ ސަރުކާރު ހިއްސާވާ ކުންފުނިތަކުގައި ހިނގަމުންދާ ކޮރަޕްޝަނާއި ވައްކަމުގެ މައްސަލަތަކާ ގުޅޭގޮތުން ސަރުކާރުން އަޅަމުންދާ ފިޔަވަޅުތަކާ ގުޅޭގޮތުން އަޒާން ފާޅުކުރެއްވި ޚިޔާލެކެވެ.