ޚަބަރު
ބިންވެރިޔާ ސްކީމާއި ގުޅުންހުރި ކޮރަޕްޝަންގެ މައްސަލަ ތަހުޤީޤު ކުރުމަށް މަޝްވަރާކޮށްފި
ފުލުހުންނާއި އޭސީސީ އިން ބޭއްވި ބައްދަލުވުން. ފޮޓޯ: ފުލުހުން
ބިންވެރިޔާ ސްކީމާއި ގުޅުންހުރި ކޮރަޕްޝަންގެ މައްސަލަ ތަހުޤީޤު ކުރުމަށް ފުލުހުންގެ ޚިދުމަތާއި އެންޓި ކޮރަޕްޝަން ކޮމިޝަންގެ މެމްބަރުންނާއި ބައްދަލުކުރައްވައިފިއެވެ.
ދިވެހި ފުލުހުންގެ ޚިދުމަތުން ބުނެފައިވާ ގޮތުގައި ފުލުހުންގެ ޚިދުމަތާއި އޭސީސީއާއި އެކު ބޭއްވުނު މި ބައްދަލުވުމުގައި "ބިންވެރިޔާ" ސްކީމާ ގުޅުންހުރި ކޮރަޕްޝަންގެ މައްސަލަ ތަހުޤީޤުކުރުމާ ގުޅޭގޮތުން ފުޅާ ދާއިރާއެއްގައި މަޝްވަރާކުރެވުނެވެ.
<blockquote class="twitter-tweet"><p lang="dv" dir="rtl">📸 ކޮމިޝަނަރ އޮފް ޕޮލިސް ޢަލީ ޝުޖާޢު އެންޓި ކޮރަޕްޝަން ކޮމިޝަންގެ މެމްބަރުންނާއެކު މިއަދު ބޭއްވެވި ބައްދަލުވުމުގެ ތެރެއިން. <br><br>މި ބައްދަލުވުމުގައި "ބިންވެރިޔާ" ސްކީމާ ގުޅުންހުރި ކޮރަޕްޝަންގެ މައްސަލަ ތަހުގީގުކުރުމާ ގުޅޭގޮތުން ފުޅާ ދާއިރާއެއްގައި މަޝްވަރާކުރެވުނު. <a href="https://t.co/BCorW5nwWg">pic.twitter.com/BCorW5nwWg</a></p>— Maldives Police (@PoliceMv) <a href="https://twitter.com/PoliceMv/status/1869677953552113795?ref_src=twsrc%5Etfw">December 19, 2024</a></blockquote> <script async src="https://platform.twitter.com/widgets.js" charset="utf-8"></script>
ފުލުހުން މިހާރު ތަހުޤީޤު ކުރެވެމުންދާ ކޮރަޕްޝަންގެ މައްސަލައާއި ގުޅިގެން ބުނެފައިވަނީ ބިންވެރިޔާ ސްކީމްގެ ދަށުން ގޯތި ލިބިފައިނުވާ ބަޔަކަށް ގޯތި ދީފައިވަ މައްސަލައެކެވެ.
މިމައްސަލާގައި ޕްރައިވަޓައިޒޭޝަން އެންޑް ކޯޕަރަޓައިޒޭޝަން ބޯޑުން މިހާރު ވަނީ އެޗްޑީސީގެ ބޯޑު މެންބަރުންގެ ތެރެއިން ޗެއަރމަން ފިޔަވައި ހުރިހާ މެންބަރުން ސަސްޕެންޑްކޮށްފައެވެ. އޭގެ ތެރޭގައި އެކުންފުނީގެ މެނޭޖިންގ ޑިރެކްޓަރ ފަޟުލް ރަޝީދުވެސް ހިމެނެއެވެ.
މީގެ އިތުރުން އެމްޑަބްލިއުއެސްސީންވަނީ އެކުންފުނީގެ ޑެޕިއުޓީ މެނޭޖިން ޑިރެކްޓަރު މުޙައްމަދު ފަޒީލް ރަޝީދުވެސް ސަސްޕެންޑްކޮށްފައެވެ. ފަޒީލް އަކީ ފަޟުލްގެ އެއްބަނޑު އެއްބަފާ ބޭފުޅެކެވެ. ފުލުހުން ތަހުޤީޤުކުރަމުންދަނީ ޑޮކިއުމަންޓުތަކެއް ފޯޖުކޮށްފައިވާ ކަމަށް ތުހުމަތު ކުރެވޭ މައްސަލައެކެވެ. މިއީ ފުލުހުންނަށް ލިބިފައިވާ މަޢުލޫމާތަކާ ގުޅިގެން ފުލުހުން އިސްވެ ފެށި ތަހުޤީޤެއް ކަމަށް ފުލުހުން ވަނީ ބުނެފައެވެ.
މިމައްސަލާގެ ތަހުޤީޤު އަވަސްކޮށް ދައުވާކުރުން އަވަސްކުރުމަށް ފީޖީ އޮފީހުންވެސް ވަނީ ގޮވާލައިފައެވެ.
