ޖޭއެސްސީން 7 މެޖިސްޓްރޭޓް ކޯޓަކަށް އައު ފަނޑިޔާރުން އައްޔަންކޮށްފި

ޖުޑީޝަލް ސަރވިސް ކޮމިޝަން (ޖޭއެސްސީ) އިން 7 މެޖިސްޓްރޭޓް ކޯޓަކަށް އައު ފަނޑިޔާރުން އައްޔަންކޮށްފިއެވެ. މި ނިންމުން ނިންމާފައިވަނީ ކޮމިޝަނުގެ 65 ވަނަ ބައްދަލުވުމުގައެވެ.

ދިވެހިރާއްޖޭގެ މެޖިސްޓްރޭޓް ކޯޓުތަކަށް ފަނޑިޔާރުން ހޯދުމަށް ޖޭއެސްސީން އިޢުލާންކުރީ މިދިޔަ އޮކްޓޯބަރު މަހުގެ ތެރޭގައެވެ. ފަނޑިޔާރުން އައްޔަންކުރެވުނީ ކުރިމަތިލި ފަރާތްތަކުގެ ތެރެއިން، ފަނޑިޔާރުން އައްޔަންކުރުމުގައި ކޮމިޝަނަށް ލަފާދޭ ކޮމިޓީން އިންޓަވިއުކުރުމަށްފަހު، ފަނޑިޔާރުކަމަށް އައްޔަންކުރުމަށް ޖޭއެސްސީއަށް ލަފާ އެރުވި ފަރާތްތަކުގެ ތެރެއިންނެވެ.

ޖޭއެސްސީން ފަނޑިޔާރުން އައްޔަންކޮށްފައިވަނީ ހއ. ބާރަށު މެޖިސްޓްރޭޓް ކޯޓު، ބ. ކެންދޫ މެޖިސްޓްރޭޓް ކޯޓު، ބ. ތުޅާދޫ މެޖިސްޓްރޭޓް ކޯޓު، ކ. މާފުށި މެޖިސްޓްރޭޓް ކޯޓު، ކ. ކާށިދޫ މެޖިސްޓްރޭޓް ކޯޓު، ލ. މާވަށު މެޖިސްޓްރޭޓް ކޯޓު އަދި ގދ. ގައްދޫ މެޖިސްޓްރޭޓް ކޯޓަށެވެ.

އައްޔަންކުރެވުނު ފަނޑިޔާރުންގެ ތެރޭގައި ހިމެނެނީ:

1. ހއ. ބާރަށު މެޖިސްޓްރޭޓް ކޯޓުގެ އިސް މެޖިސްޓްރޭޓް: އަލްއުސްތާޛު ޢަބްދުﷲ ޖައިލަމް
   
2. ބ. ކެންދޫ މެޖިސްޓްރޭޓް ކޯޓުގެ އިސް މެޖިސްޓްރޭޓް: އަލްއުސްތާޛު ޖިނާން ޢަބްދުﷲ
   
3. ބ. ތުޅާދޫ މެޖިސްޓްރޭޓް ކޯޓުގެ އިސް މެޖިސްޓްރޭޓް: އަލްއުސްތާޛު އިސްމާޢީލް މާހިރު
   
4. ކ. މާފުށި މެޖިސްޓްރޭޓް ކޯޓުގެ މެޖިސްޓްރޭޓް: އަލްއުސްތާޛާ ޝިފްނާ އަޙްމަދު ޞާދިޤު
   
5. ކ. ކާށިދޫ މެޖިސްޓްރޭޓް ކޯޓުގެ އިސް މެޖިސްޓްރޭޓް: އަލްއުސްތާޛު ޢަލީ އިސްމާޢީލް
   
6. ލ. މާވަށު މެޖިސްޓްރޭޓް ކޯޓުގެ އިސް މެގެ އިސް މެޖިސްޓްރޭޓް: އަލްއުސްތާޛު އަޙްމަދު ޝާފީ
   
7. ގދ. ގައްދޫ މެޖިސްޓްރޭޓް ކޯޓުގެ އިސް މެޖިސްޓްރޭޓް: އަލްއުސްތާޛު އަޙްމަދު ޢަވްފު ޢަބްދުއްޞަމަދު

މި ފަނޑިޔާރުންގެ ތެރޭގައި ހިމެނެނީ ޝަރުޢީ ދާއިރާގައި 3 އަހަރާއި 6 އަހަރާ ދެމެދުގެ ތަޖުރިބާ ލިބިފައިވާ ފަރާތްތަކެވެ. އައްޔަންކުރެވުނު ފަނޑިޔާރުން ރަސްމީކޮށް މަޤާމާ ހަވާލުވާނީ މަޤާމުގެ ހުވާކުރުމަށްފަހުގައެވެ.