ޚަބަރު
ކާރިސާތަކުގެ ނުރައްކާ ކުޑަކުރުމާއި ކާރިސާތަކަށް ތައްޔާރުވުމަކީ ތަރައްޤީގެ ލަނޑުދަނޑިއެއްކަމަށް ހަދަންޖެހޭ
ވަޒީރު ޠާރިޤް އިބްރާހިމް
ހުލާސާ
ކާރިސާތަކުގެ ނުރައްކާ ކުޑަކުރުމާއި ކާރިސާތަކަށް ތައްޔާރުވުމަކީ ތަރައްޤީގެ ލަނޑުދަނޑިއެއްކަމަށް ހަދަންޖެހޭ ކަމަށް މޫސުމީ ބަދަލުތަކާއި ތިމާވެއްޓާ ހަކަތައާއި ބެހޭ ވަޒީރު ޠާރިޤް އިބްރާހިމް ވިދާޅުވެއްޖެއެވެ.
ވަޒީރު ޠާރިޤް މިހެން ވިދާޅުވީ މިއަދު ފާހަގަކުރެވެމުންދާ އެއްބައިވަންތަ ކަމުގެ ދުވަހުގެ މުނާސަބަތުގައި އެކްސްގައި ކުރެއްވެވި ޕޯސްޓެއްގައެވެ.
ވަޒީރު ޠާރިޤްގެ ޕޯސްޓުގައި ވިދާޅުވީ 2004ވަނަ އަހަރު އެރި ސުނާމީއަށް 20 އަހަރު ފުރުން މިއަދު ފާހަގަ ކުރަމުންދާއިރު އެދުވަހު ނިޔާވެ ގެއްލިގެން ދިޔަ މީހުންގެ ޒިކުރާ އައުކުރާ ކަމަށެވެ.
އަދި އެދުވަހު ދިވެހިން ދެއްކެވި އެއްބައިވަންތަކަމާއި އެކުވެރިކަން ފާހަގަކޮށްލަންޖެހޭ ކަމަށެވެ.
މޫސުމީ ބަދަލުތަކާއި ތިމާވެށްޓާއި ހަކަތައާބެހޭ ވަޒީރު ޠާރިޤު އިބްރާހިމް ވިދާޅުވީ ދުރުރާސްތާއަށް އަމާޒުކޮށްގެން އެކުލަވާލާ ތަރައްޤީގެ ޕްލޭންތަކުގައި ސުނާމީ ކާރިސާއިން ލިބުނު ފިލާވަޅުތަަކށް ރިއާޔަތްކުރުން މުހިންމު ކަމަށެވެ.
އަދި މޫސުމީ ބަދަލުތަކުގެ ސަބަބުން ދިމާވާ ޤުދުރަތީ ކާރިސާތަކަށް ވިލުންތެރިވުމާއި އިޖާބަދިނުމުގެ މަސައްކަތްތަކަށް ތަރައްޤީގެ ލަނޑުދަނޑިތަކުގެ ތެރޭގައި އިސްކަންދިނުން މުހިންމުކަމަށް ވަޒީރު ވިދާޅުވިއެވެ.
As we mark twenty years to the harrowing 2004 tsunami, we remember those we lost that day.
— Thoriq Ibrahim (@Thoriqibrahim) December 26, 2024
We also mark the unity and solidarity that Maldivians showed that day.
We must ensure that the lessons we learned from the tsunami are integrated into our long term development planning.… pic.twitter.com/BVnn5bAMpX
ސުނާމީ ކާރިސާއަކީ ރާއްޖޭގެ ތާރީޚުގައި މިހާތަނަށް ކުރިމަތިވި އެންމެ ބޮޑު ޤުދުރަތީ ކާރިސާއެވެ. މިކާރިސާގައި އެތައް ދިވެއްސެއް ބުރަމަސައްކަތުން ބިނާ ކުރި ދިރިއުޅުން ހަލާކުވެގެން ދިޔައިރު އެތައް ބަޔަކު މަރުވެގެންވެސް ދިޔައެވެ.
