ސިހުރު ހަދާކަމުގެ ރިޕޯޓަކާ ގުޅިގެން ރ. މީދޫ އާއި އަލިފުށީގައި ފުލުހުންގެ އޮޕަރޭޝަނެއް

ރ އަލިފުއްޓާއި އެ އަތޮޅު މީދޫގައި ސިހުރު ހަދާކަމަށް ރިޕޯޓުކޮށްފައިވާ މައްސަލައަކާ ގުޅިގެން އެ ދެ ރަށުގައި ފުލުހުންގެ ޙާއްސަ އޮޕަރޭޝަނެއް ފަށައިގެން ކުރިޔަށްދާކަމަށް އެ އިދާރާއިން ހާމަކޮށްފިއެވެ. 

އޮޕަރޭޝަނެއް ހިނގާކަމަށް ހާމަކޮށްފައިވީ ނަމަވެސް، މި އޮޕަރޭޝަނާ ގުޅޭ އިތުރު މަޢުލޫމާތެއް އަދި ފުލުހުން ހާމަކޮށްފައެއް ނުވެއެވެ. 

މި މައްސަލައާ ގުޅޭ ބައެއް ވާހަކަތައް އެ ރަށްތަކުގެ މީހުން ވެސް އަންނަނީ ސޯޝަލް މީޑިއާގައި ހިއްސާކުރަމުންނެވެ. 

މިފަދަ މައްސަލައެއްގައި މިދިޔަ އަހަރު ށ. ކނަޑިތީމުގައި ހިންގި އޮޕަރޭޝަނެއްގައި، އެ ރަށުގެ ގެތަކެއް ބަލާފާސްކޮށް ސިހުރު ހެދުމަށް ބޭނުންކުރާ ސާމާނުތަކެއް ހޯދާފައިވެއެވެ.