Ads by Exprox

ޚަބަރު

ފުވައްމުލަކުގެ ހުއްޓިފައިވާ ހައުސިންގ މަޝްރޫޢު އަލުން ފަށަނީ

ފުވައްމުލަކުގެ ހުއްޓިފައިވާ ހައުސިންގ މަޝްރޫޢު އަލުން ފަށަނީ

ފުވައްމުލަު ސިޓީ ފޮޓޯ:އިންޓަނެޓް

އާމިނަތު ޔުމްނާ

އާމިނަތު ޔުމްނާ

23 ޖެނުއަރީ 2025، 11:13

23 ޖެނުއަރީ 2025، 11:13

ފުވައްމުލައް ސިޓީގައި ހުއްޓިފައި އޮތް ހައުސިންގ ޔުނިޓްތައް ތަރައްޤީކުރުމުގެ މަސައްކަތް އަލުން ފެށުމަށް ތައްޔާރުވެފައިވާކަމަށް މާލީކަންކަމާއި ތަރައްޤީގެ ރޭވުންތެރިކަމާ ބެހޭ ވަޒީރު މޫސާ ޒަމީރު ވިދާޅުވެއްޖެއެވެ. ވަޒީރު މިހެން ވިދާޅުވެފައިވަނީ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ރ. އަތޮޅަށް ކުރައްވަމުންގެންދަވާ ދަތުރުފުޅުގެ ތެރެއިން ހުއްޓިފައި ހުރި މަޝްރޫޢުތައް އަލުން ފެށުމަށްޓަކައި ކުރަމުންދާ މަސައްކަތުގެ މަޢުލޫމާތު ޕީއެސްއެމް ނިއުސްއާ ހިއްސާކުރައްވަމުންނެވެ.

ވަޒީރު ޒަމީރު ވިދާޅުވިގޮތުގައި، ރައީސުލްޖުމްހޫރިއްޔާ އިޢުލާންކުރައްވާފައިވާ ބޯހިޔާވަހިކަމުގެ މަޝްރޫޢުތަކުގެ ތެރެއިން ބައެއް މަޝްރޫޢުތަކަކީ މިއަހަރުގެ ބަޖެޓްގައި ހިމަނައިގެން ކުރިއަށްގެންދާ މަޝްރޫޢުތަކެއް ކަމަށާއި، އަނެއްބައި މަޝްރޫޢުތަކަކީ ކޮންޓްރެކްޓަރ ފައިނޭންސް އުޞޫލުން ކުރިއަށްގެންދާނެ މަޝްރޫޢުތަކެއްކަމަށެވެ. މި މަހުގެ ތެރޭގައި މި މަޝްރޫޢޫތައް ކުރިއަށްގެންދިޔުމަށްޓަކައި ކޮންޓްރެކްޓަރ ހޯދުމަށް ކުރަންޖެހޭ މަސައްކަތްތައް ފައްޓަވާފައިވާކަމަށްވެސް އެމަނިކުފާނު ވިދާޅުވިއެވެ.

ހުއްޓިފައި ހުރި ހައުސިންގ މަޝްރޫޢުތައް އަލުން ފެށުމަށްޓަކައި ކުރަންޖެހޭ މަސައްކަތްތައްވެސް ކުރަމުން އަންނަކަމަށް ވަޒީރު ފާހަގަކުރެއްވިއެވެ. އެގޮތުން ފުވައްމުލައް ސިޓީގައި ތަރައްޤީކުރުމަށް ހަވާލުކޮށްފައި އޮތް ހައުސިންގ ޔުނިޓް ތަރައްޤީކުރުމުގެ މަސައްކަތް ކުރިއަށްގެންދިޔުމަށްޓަކައި އެ މަސައްކަތުގެ ކޮންޓްރެކްޓަރަށް ފައިސާ ހަމަޖައްސާދީ ފެށުމަށް ތައްޔާރިވެފައިވާކަމަށް އެމަނިކުފާނު ވިދާޅުވިއެވެ.

ފުވައްމުލައް ސިޓީގައި 400 ހައުސިން ޔުނިޓް ތަރައްޤީކުރުމަށް 2023 ވަނަ އަހަރު ޑިޒައިން އެންޑް ބިލްޑް އުޞޫލުން މި މަސައްކަތް ހަވާލުކުރައްވާފައިވަނީ ޕީޓީ.ސިޓްރަމަސް ހެވީ އިންޑަސްޓްރީސް އިން ޖޭވީ ވިތް ފްލެކްސް އިންކް ޕްރައިވެޓް ލިމިޓެޑް އާއެވެ. މި މަޝްރޫޢުގައި ފުވައްމުލައް ސީޓީގެ އެކި ސަރަޙައްދުތަކަށް ބަހާލައިގެން 11 ފަންގިފިލާގެ 5 ޓަވަރު ތަރައްޤީކުރުމަށް ވަނީ ހަމަޖެހިފައެވެ.

ވަޒީރު ޒަމީރު އިތުރަށް ވިދާޅުވިގޮތުގައި، ކުރިން ހުއްޓިފައި ހުރި މަޝްރޫޢުތަކާއި ރައީސްގެ ވަޢުދުފުޅުތަކުގައި ހުރި މުހިއްމު މަޝްރޫޢުތައް ފަށައިގެން ކުރިއަށްގެންދާނެއެވެ. އަދި  ބައެއް ރަށްރަށުން މަޝްރޫޢުތައް ލަސްކަމުގެ ޝަކުވާ ލިބިފައިވާކަމަށާއި، ހުއްޓިފައި ހުންނަތާ ހަތަރު ފަސް އަހަރުވަސް އަހަރުވެފައިވާ މަޝްރޫޢުތައް އަލުން ފެށުމަށް ރާވަމުން އަންނަކަމަށްވެސް ވަޒީރު ފާހަގަކުރެއްވިއެވެ.

ޕޭމެންޓްތައް ވަކި އުޞޫލެއްގެ ދަށުން ކަނޑައެޅިގެން މަސައްކަތް އެބަ ކުރެވޭ. މިދިޔަ 6އެއްކަ އަހަރުގެ ތެރޭގައި ޕްރައިވެޓް ކުންފުނިތަކަށް ނުދެވި ހުރި ފައިސާތައްވެސް އެމީހުންނަށް ދީގެން ގުޅިގެން މަޝްރޫއުތައް ކުރިއަށް ގެންދިޔުމަށް ރޭވިފައި މިހުރީ

 މާލީ ވަޒީރު މޫސާ ޒަމީރު 

ފުވައްމުލައް ސިޓީގައި ތަރައްޤީކުރާ ހައުސިންގ މަޝްރޫޢުގެ ތަފްސީލަށް ބަލާއިރު، ކޮންމެ ޓަވަރެއްގައި 1000 އަކަފޫޓުގެ 80 ފްލެޓް ހިމެނޭނެއެވެ. ކޮންމެ ފްލެޓެއްގައި 3 ކޮޓަރި، 3 ފާޚާނަ، ސިޓިންގ ރޫމް، ބަދިގެ، ކާގެ، ލޯންޑަރީ އަދި ސްޓޯ ރޫމް ހިމެނޭނެއެވެ. މި މަޝްރޫޢުގެ އިތުރަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވަނީ ފުވައްމުލައް ސިތީގައި 500 ހައުސިންގ ޔުނިޓް ތަރައްޤީކޮށްދެއްވުމަށް ވަޢުދުވެވަޑައިގެންފައެވެ.


                    


                    

މި ލިޔުން ކިޔާލުމުން

Ads by MSS