Ads by Exprox

ޚަބަރު

އިހަވަންދޫގައި އިސްލާމިކް ބޭންކުގެ އޭޓީއެމްއެއް ޤާއިމްކުރުމުގެ އެއްބަސްވުމުގައި ސޮއިކޮށްފި

އިހަވަންދޫގައި އިސްލާމިކް ބޭންކުގެ އޭޓީއެމްއެއް ޤާއިމްކުރުމުގެ އެއްބަސްވުމުގައި ސޮއިކޮށްފި

ހއ. އިހަވަންދޫގައި މޯލްޑިވްސް އިސްލާމިކް ބޭންކުގެ އޭޓީއެމްއެއް ޤާއިމްކުރުމުގެ އެއްބަސްވުމުގައި ސޮއިކުރުން، ފޮޓޯ: ރައީސް އޮފީސް

މިފްތާޙް މުޙައްމަދު

މިފްތާޙް މުޙައްމަދު

29 ޖެނުއަރީ 2025، 09:00

29 ޖެނުއަރީ 2025، 09:00

ހުލާސާ

އިސްލާމިކް ބޭންކުން އަންނަނީ މި އަހަރު އިތުރު 19 ރަށެއްގައި އެ ބޭންކުގެ އޭޓީއެމްތައް ބެހެއްޓުމުގެ މަސައްކަތް ކުރަމުން.

ހއ. އިހަވަންދޫގައި މޯލްޑިވްސް އިސްލާމިކް ބޭންކުގެ އޭޓީއެމްއެއް ޤާއިމްކުރުމުގެ އެއްބަސްވުމުގައި މޯލްޑިވްސް އިސްލާމިކް ބޭންކާއި، އެ ރަށު ކައުންސިލާ ދެމެދު ސޮއިކޮށްފިއެވެ. 

މި އެއްބަސްވުމުގައި ސޮއިކޮށްފައިވަނީ، ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު މިހާރު ހއ އަތޮޅުގެ ބައެއް ރަށްރަށަށް ކުރައްވަމުން ގެންދަވާ ދަތުރުފުޅުގެ ތެރެއިން، ހއ. އިހަވަންދޫ ރައްޔިތުންނާ ބައްދަލުކުރެއްވުމަށް ބޭއްވެވި ޖަލްސާގެ ތެރެއިންނެވެ.

މި އެއްބަސްވުމުގައި އިސްލާމިކް ބޭންކުގެ ފަރާތުން ސޮއިކުރެއްވީ އެ ބޭންކުގެ ހެޑް އޮފް ޑިސްޓްރިބިއުޝަން، އިބްރާހީމް ޝުހައިލެވެ. އަދި ކައުންސިލްގެ ފަރާތުން ސޮއިކުރައްވާފައިވަނީ ކައުންސިލުގެ ރައީސް އަޙްމަދު ޞަބާޙެވެ.

މިއީ ރާއްޖޭގެ ހުރިހާ ރަށެގައި ބޭންކިންގެ ޚިދުމަތް ޤާއިމްކުރެއްވުމަށް ސަރުކާރުން ފައްޓަވާފައިވާ ޕްރޮގްރާމުގެ ތެރެއިން ވެވުނު އެއްބަސްވުމެކެވެ. މި މަސައްކަތުން ސަރުކާރު ހާސިލްކުރަން ބޭނުންވާ ލަނދުދަނޑިއަކީ، ރައްޔިތުންނަކީ މާލީ ބާރުވެރި ބަޔަކަށް ހެދުމަށެވެ.

އިސްލާމިކް ބޭންކުގެ ޚިދުމަތްތައް އިތުރަށް ފުޅާކުރެއްވުމަށް އެ ބޭންކުން ކުރަމުންގެންދާ މަސައްކަތްތަކުގެ ތެރެއިން، މި އަހަރުގެ ތެރޭގައި 19 ރަށެއްގައި އޭޓީއެމްގެ ޚިދުމަތް ޤާއިމްކުރުމުގެ މަސައްކަތް ކުރައްވަމުން އަންނަކަމަށް އެ ބޭނުންކުން ހާމަކޮށްފައިވެއެވެ. މި ރަށްރަށުގައި ޑޮލަރު އޭޓީއެމް ހިމެނޭހެން 23 އޭޓީއެމް ބެހެއްޓުމަށް އެ ބޭންކުން އަންނަނީ މަސައްކަތް ކުރަމުންނެވެ. 

މީގެ އިތުރުން، ހަތަރު ރަށެއްގައި ސޭލްސް ސެންޓަރުތައް ޤާއިމްކުރުމުގެ މަސައްކަތް ވެސް އެ ބޭންކުން ކުރިޔަށް ގެންދާކަމަށް ހާމަކޮށްފައިވެއެވެ. އެ ރަށްތަކަކީ ރ. އުނގުފާރު، ށ. ފުނަދޫ، ކ. މާލެ އަދި ގއ. ވިލިނގިލިއެވެ.

މި ލިޔުން ކިޔާލުމުން

Ads by MSS