Ads by Exprox

ޚަބަރު

ދިވެހިރާއްޖޭގެ އާބާދީގެ މުހިންމު މަޢުލޫމާތުތަކެއް ރައްކާކުރާ، ސީއާރްވީއެސްއައިޑީ އަލުން ޑިޒައިން ކުރުމަށް ބަޔަކާ ހަވާލުކޮށްފި

ދިވެހިރާއްޖޭގެ އާބާދީގެ މުހިންމު މަޢުލޫމާތުތަކެއް ރައްކާކުރާ، ސީއާރްވީއެސްއައިޑީ އަލުން ޑިޒައިން ކުރުމަށް ބަޔަކާ ހަވާލުކޮށްފި

ދިވެހިރާއްޖޭގެ ސިވިލް ރަޖިސްޓްރޭޝަން، ވައިޓަލްސް ސްޓެޓިސްޓިކްސް އަދި އައިޑެންޓިފިކޭޝަން (ސީ އާރް ވީ އެސް އައިޑީ) މެނޭޖްމަންޓް ނިޒާމު އަލުން ޑިޒައިންކުރުމަށް ބަޔަކާ ހަވާލުކުރުން، ފޮޓޯ: މިނިސްޓްރީ

farudhun logo

ފަރުދުން

30 ޖެނުއަރީ 2025، 09:52

30 ޖެނުއަރީ 2025، 09:52

ދިވެހިރާއްޖޭގެ ސިވިލް ރަޖިސްޓްރޭޝަން، ވައިޓަލްސް ސްޓެޓިސްޓިކްސް އަދި އައިޑެންޓިފިކޭޝަން (ސީ އާރް ވީ އެސް އައިޑީ) މެނޭޖްމަންޓް ނިޒާމު އަލުން ޑިޒައިންކުރުމަށް ބަޔަކާ ހަވާލުކޮށްފިއެވެ. މިއީ ދާޚިލީ ސަލާމަތާއި ފަންނިއްޔާތާ ބެހޭ ވުޒާރާއިން ހިންގަމުންދާ "ޑިޖިޓަލް މޯލްޑިވްސް ފޮރ އެޑަޕްޓޭޝަން، ޑީސެންޓްރަލައިޒޭޝަން އެންޑް ޑައިވަރސިފިކޭޝަން (ޑީމެޑް) ޕްރޮޖެކްޓް" ގެ ދަށުން ހިންގާ ޕްރޮގްރާމެކެވެ. 

މި މަސައްކަތް ހަވާލުކޮށްފައިވަނީ ކޮންޓްރޯލް ޑޭޓާ (ތައިލެންޑް) ލިމިޓެޑާއެވެ. އަދި މިއީ ވޯލްޑްބޭންކްގެ ހިލޭ އެހީގެ ދަށުން ކުރިޔަށް ގެންދިއުމަށް ނިންމާފައިވާ ޕްރޮޖެކްޓެކެވެ.

މި މަސައްކަތް ހަވާލުކުރުމުގެ އެއްބަސްވުމުގައި މިނިސްޓްރީގެ ފަރާތުން ސޮއިކުރެއްވީ މިނިސްޓަރ އޮފް ސްޓޭޓް ފޮރ ހޯމްލޭންޑް ސެކިއުރިޓީ އެންޑް ޓެކްނޯލޮޖީ ޑރ. މުޙައްމަދު ކިނާނަތެވެ. އަދި ކޮންޓްރޯލް ޑޭޓާ (ތައިލެންޑް) ލިމިޓެޑްގެ ފަރާތުން ސޮއިކުރެއްވީ އެ ކުންފުނީގެ މެނޭޖިންގ ޑިރެކްޓަ މިސްޓަރ ނާރޓް ލިއުޗަރެއޮންއެވެ.

ދާޚިލީ ސަލާމަތާއި ފަންނިއްޔާތާ ބެހޭ ވުޒާރާއިން ހާމަކޮށްފައިވާ ގޮތުގައި، މި އެއްބަސްވުމުގެ ދަށުން އެންމެ ބޮޑަށް އެހީފޯރުކޮށްދިނުމަށް ހަމަޖެހިފައިވަނީ ޑިޕާޓްމަންޓް އޮފް ނޭޝަނަލް ރަޖިސްޓްރޭޝަން (ޑީ އެން އަރ) ގެ ފައުންޑޭޝަނަލް އައިޑެންޓިޓީ ސިސްޓަމް ހަރުދަނާކުރުމަށެވެ.

މި މަސައްކަތާއެކު، ދިވެހިރާއްޖޭގެ މުހިންމު މަޢުލޫމާތުތަކެއް ބެލެހެއްޓުމަށް ވެސް ވަރަށް ބޮޑަށް ފަސޭހަވެގެން ދާނެއެވެ. 

ނޭޝަނަލް ސެންޓަރ ފޮރ އިންފޮމޭޝަން ޓެކްނޯލޮޖީ އިން ބަލަހައްޓާ އީފާސް ޑިޖިޓަލް އައިޑެންޓިޓީ ނިޒާމު ހިންގުމާއި، ލޯކަލް ގަވަރންމަންޓް އޮތޯރިޓީ އަދި ކައުންސިލްތަކުން ކުރަމުންގެންދާ އާބާދީ ބެލެހެއްޓުމުގެ މަސައްކަތްތަކާއި، ސިއްޚަތާބެހޭ ވުޒާރާ އަދި މޯލްޑިވްސް ސްޓެޓިސްޓިކަލް ބިއުރޯއަށް ބޭނުންވާ ތަފާސް ހިސާބުތައް، ޑިޖިޓަލް ނިޒާމެއްގެ ތެރެއިން، ސައްޚަކަމާއި، ރައްކާތެރިކަމާއި އަދި ރިއަލްޓައިމްކޮށް އެކަށީންގެވާ ގޮތެއްގައި ލިބުމަށް މަގު ފަހިވެގެންދާނެއެވެ. މި.

މަސައްކަތާ ގުޅިގެން މިނިސްޓްރީން ހާމަކޮށްފައިވެއެވެ.

މި ސިސްޓަމް ޤާއިމްކޮށް ނިމުމުން ދެން ކުރިޔަށްދާނީ ނިމުމާއިއެކު، ޑީއެންއާރްއަށް ބޭނުންވާ ސޮފްޓްވެއަރ އަދި ހާޑްވެއަރ ހޯދުމުގެ މަސައްކަތްކަމަށް ވެސް މިނިސްޓްރީން ވަނީ ހާމަކޮށްފައެވެ.

މި މަސައްކަތް ހަވާލުކުރެބުނު ކޮންޓްރޯލް ޑޭޓާ (ތައިލޭންޑް) ލިމިޓެޑް (ސީޑީޓީ) އަކީ ޑޭޓާ ބެކަޕް ސެންޓަރެއްގެ ގޮތުގައި މަސައްކަތް ފެށި، އަދި ފަހުން އެމެރިކާގެ ކޮންޓްރޯލް ޑޭޓާ ކޯޕަރޭޝަންގެ ގޮތްޕެއްގެ ގޮތުގައި ތައިލޭންޑްގެ ސަރުކާރުގެ އިދާރާތަކަށާއި، ދައުލަތުގެ ވިޔަފާރިތަކަށާއި އަދި އަމިއްލަ ކުންފުނިތަކަށް ކޮމްޕިއުޓަރ މެއިންފްރޭމްތައް ފޯރުކޮށްދޭން ފެށި ކުންފުންޏެކެވެ. ސީޑީޓީ އަކީ ޑިޖިޓަލް ޓްރާންސްފޮމޭޝަން އަދި ބަޔޮމެޓްރިކްއަށް ޚާއްޞަވެފައިވާ ޓެކްނޮލޮޖީ ޙައްލުތައް ފޯރުކޮށްދޭ ކުންފުންޏެކެވެ. 

ޤައުމީ އައިޑީ ސިސްޓަމްތަކަށް ޚާއްޞަ އަހައްމިއްޔަތުކަމެއް ދީގެން، ސީޑީޓީ އިން ވަނީ ބައިނަލްއަޤްވާމީ މިންގަނޑުތަކާ އެއްގޮތަށް ޑިޖިޓަލް އައިޑެންޓިޓީ ވެރިފިކޭޝަން ޕްލެޓްފޯމްތައް ތަރައްޤީކޮށްފައެވެ. މީގެ ތެރޭގައި ތައިލެންޑްގެ ރައްޔިތުންނަށް އޮންލައިން މުޢާމަލާތްތަކުގައި އަދި ސަރުކާރުގެ ޚިދުމަތްތަކަށް ރައްކާތެރިކަމާއެކު އެމީހެއްގެ އައިޑެންޓިޓީ ކަށަވަރުކޮށްދިނުމަށް އެހީތެރިވެދޭ ތައި ޑިޖިޓަލް އައިޑެންޓިޓީ (ތައި އައިޑީ) މޮބައިލް އެޕްލިކޭޝަން ހިމެނެއެވެ. މީގެ އިތުރުން، ސީޑީޓީ އިން އަންނަނީ 1983 ވަނަ އަހަރުން ފެށިގެން ތައިލެންޑްގެ، އުފަންވުމާއި މަރުވުން އަދި އެހެނިހެން ވައިޓަލްސް ރެކޯޑުތައް ބަލަހައްޓާ ޑިޖިޓަލް ނިޒާމުޤާއިމްކޮށް ބެލެހެއްޓުމުގެ މުހިންމު ދައުރެއް އަދާކުރެއެވެ. އަދި 1990 ވަނަ އަހަރު މި ނިޒާމަށް ވަނީ ވޮޝިންޓަންގެ "ކޮމްޕިއުޓަރ ވޯލްޑް ސްމިތްސޯނިއަން އެވޯޑް ފޮރ އިމްޕްލިމެންޓިންގް ކޮމްޕިއުޓަރ ޓެކްނޯލޮޖީ ޓު ޕްރޮޑިއުސް ބެނިފިޝަލް ޗޭންޖަސް ފޮރ ސޮސައިޓީ" އެވޯޑް ލިބިފައެވެ.

މި ލިޔުން ކިޔާލުމުން

Ads by MSS