އިމިގްރޭޝަން ރެއިޑްތަކުގައި އޮފިސަރުން ތިބޭނީ ޔުނިފޯމްގަ އައިޑީ ފެންނަ ގޮތަށް- ކޮންޓްރޯލަރ ޖެނެރަލް

އިމިގްރޭޝަނުން ހިންގާ އޮޕަރޭޝަންގައި އިމިގްރޭޝަންގެ އޮފިސަރުން ދާނީ ޔުނިފޯމު އަޅައިގެންކަމަށާއި އިމިގްރޭޝަން އޮފިސަރުންގެ އައިޑީ ފެންނަން ހުންނާނެކަމަށް ކޮންޓްރޯލަރ ޖެނެރަލް އޮފް އިމިގްރޭޝަން މުޙައްމަދު ޝަމްޢާން ވަޙީދު ވިދާޅުވެއްޖެއެވެ. 

@ImmigrationMV ge raid thakugai officerunge Immigration ID fenna gothah hunnaane. Adhi mihaaru ge operation thakakee uniform laigen kuriyah gendhaa operation thakeh. Thirygaivaa 2 faraathaky Immigration aa gulhun oii faraatheh noon. Adhi @PoliceMv in mi 2 meehunge massala mihaaru… https://t.co/VDbxH0Uykd

— Mohamed Shamaan Waheed (@ShamaanW) September 16, 2024

އިއްޔެގެ ވަގުތެއްގައި ބިދޭސީން އުޅޭ ތަނަކަށް ވަދެ ތިން މީހަކު ވެގެން ފޯނަކާއި 9000 ރުފިޔާ ފޭރުނު މައްސަލަ އާއި ގުޅިގެން ޝަމްޢާން ވިދާޅުވީ އެމީހުންނަކީ އިމިގްރޭޝަންއާއި ގުޅުމެއް އޮތް ބައެއް ނޫންކަމަށާއި ފުލުހުން މިހާރު އެމައްސަލަ ބަލަމުން ގެންދާކަމަށެވެ. 

މި މައްސަަލައިގައި ފުލުހުންގެ ޚިދުމަތުން ވިދާޅުވީ، މިމައްސަލައާ ގުޅިގެން ކޯޓު އަމުރެއްގެ ދަށުން، ހައްޔަރުކޮށްފައިވަނީ ގ.ބޭރުގެ، ޢުމުރުން 44 އަހަރުގެ، މުޙައްމަދު ނަވީންކަމަށެވެ. އަދި އިމިގްރޭޝަން އޮފިސަރުން ނަމުގައި ތިން މީހަކު ވަދެ ފޭރުނު މައްސަލައިގެ ރިޕޯޓް ފުލުހަށް އިއްޔެ ލިބިފައިވާކަމަށެވެ.  އަދި މިމައްސަލަ މިހާރު ތަޙުޤީޤު ކުރަމުންދާ ކަމަށްވެސް ފުލުހުން ބުނެފައިވެއެވެ