ޤައުމު މިހާލަތަށް އައީ ކުރީގެ ސަރުކާރުތަކުގެ ސަބަބުން، ސަރުކާރަށް ފުރުސަތު ދޭންޖެހޭ: ޤާސިމް އިބްރާހިމް

 މިއަދުގެ ސަރުކާރަށް ފުރުސަތު ދޭން ޖެހޭ ކަމަށް ކުރީގެ ރައްޔިތުންގެ މަޖިލީހުގެ ރައީސް އަދި ޖުމްހޫރީ ޕާޓީގެ ލީޑަރު ޤާސިމް އިބްރާހިމް ވިދާޅުވެއްޖެއެވެ. މިހެން ވިދާޅުވީ މިއަދު ނޫސްވެރިންނާއި ބައްދަލުކުރައްވާ ދެއްވި އިންޓަވިއުއެއްގައެވެ.

ޤާސިމް ވިދާޅުވީ މިއަދު ޤައުމު މިހާލަތަށް އައީ ކުރީގެ ސަރުކާރުތަކުން ކުރައްވާފައި ހުރި ކަންތައްތަކުގެ ސަބަބުން ކަމަށެވެ.

އާސަންދަ ބޭނުންވާ ވަރަކަށް ނުދެވިގެން އެއުޅެނީ އެހެންވެގެން

 ޤާސިމް

މިހާރުގެ ސަރުކާރުން ކުރައްވާ ބައެއް ކަންތައްތަކަށް ޤާސިމް ތައުރީފު ކުރެއްވިއެވެ.

މަސްވެރިކަމުން ނުދައްކާ ހުރި ހުރިހާ ލާރިއަކާ އެކު 48 ގަޑިއިރު ތެރޭގައި މަސްވެރިންނަށް ދެއްވައިފި. މިހާލަތުގައި އޮވެގެން ވެސް އެކަން ކުރެއްވީތީ އަޅުގަނޑުގެ ހިތުގައި ވަރަށް ބޮޑު ތައުރީފެއް އުފެދޭ

ޤާސިމް

އަދި ޤާސިމް ވިދާޅުވީ ސަރުކާރުން އެހެން ހުރި ކަންތައްތައް ވެސް ރަނގަޅު ކުރައްވަމުން ގެންދަވާ ކަމަށެވެ.

މައްސަލަތައް ނުބައްލަވާނެ ކަމަށް ބުނުމަކީ އަދި މާ އަވަސް ފުރުސަތެއް. ބައްލަވާނެ ކަމަށް އަޅުގަނޑު ޤަބޫލުކުރަނީ ޤާސިމް 

ރައީސް މުޢިއްޒުގެ ސަރުކާރު އައުމާއެކު ގިނަ ބަދަލުތަކެއް ގެނެސްފައިވާއިރު، ޤާސިމްގެ މި ބަސްފުޅުތަކުން ދޭހަވަނީ އިދިކޮޅު ފަރާތްތަކުން ވެސް ސަރުކާރަށް ފުރުސަތު ދިނުމުގެ މުހިންމުކަމެވެ.