ޚަބަރު
"ޕިއަރ އެޑިއުކޭޓަރ" ނަމުގައި ޒުވާނުންނަށް އަމާޒުކޮށްގެން ތަމްރީނު ޕްރޮގްރާމެއް ފަށައިގެން ކުރިއަށްދަނީ

"ޕިއަރ އެޑިއުކޭޓަރ" ތަމްރީނު ޕްރޮގްރާމުގެ ތެރެއިން- ފޮޓޯ: ޔޫތް މިނިސްޓްރީ
"ޕިއަރ އެޑިއުކޭޓަރ" ނަމުގައި ތަމްރީނު ޕްރޮގްރާމެއް ފަށައިފިއެވެ.
މި ތަމްރީނު ޕްރޮގްރާމަކީ 18 އަހަރާއި 25 އަހަރާ ދެމެދުގެ ޒުވާނުންނަށް އަމާޒުކޮށްގެން މިނިސްޓްރީ އޮފް ޔޫތް އެމްޕަވަރމެންޓް، އިންފޮމޭޝަން އެންޑް އާޓްސްއިން ކުރިއަށްގެންދާ ޕްރޮގްރާމެކެވެ.
ތަމްރީނު ޕްރޮގްރާމް ކުރިއަށްދާނީ މިއަދުން ފެށިގެން މިމަހު 20 ވަނަ ދުވަހާ ހަމައަށް، ކޮންމެ ދުވަހަކު ހެނދުނު 9:00 އިން މެންދުރުފަހު 3:00 އަށް، ސޯޝަލް ސެންޓަރުގައި ކަމަށް ޔޫތް މިނިސްޓްރީން މަޢުލޫމާތުދެއެވެ.
ޔޫތް މިނިސްޓްރީން ވިދާޅުވެފައިވާ ގޮތުގައި މި ޕްރޮގްރާމުގެ މަޤްޞަދަކީ ޒުވާނުންނަށް އެމީހުންގެ މުޖުތަމަޢުގެ ތެރޭގައި ހުރި މައިގަނޑު ނަފްސާނީ އަދި އިޖްތިމާޢީ މައްސަލަތަކަށް އަމާޒުކޮށްގެން ހަރަކާތްތައް ފަރުމާކޮށް ތަންފީޒުކުރުމަށް ބޭނުންވާ މައުލޫމާތާއި، ހުނަރުތަކާއި އަދި ވަސީލަތްތައް ފޯރުކޮށްދިނުމެވެ.
މި ޕްރޮގްރާމަކީ ބައިވެރިވުމަށް އެއްވެސް ފީއެއް ނުނަގާ، ބައިވެރިންނަށް ހިލޭ ކެއުން ހަމަޖެހިފައިވާ ޕްރޮގްރާމެކެވެ. ސަރުކާރުގެ އިދާރާތަކުން ދަނީ ޒުވާނުން ބާރުވެރިކޮށް މުޖުތަމަޢުއަށް ފައިދާ ކުރަނިވި ޖީލެއް ބިނާކުރުމުގެ ގިިނަ މަސައްކަތްތަކެއް ކުރައްވަމުންނެވެ.