އިތުބާރު ކުރެވޭ މަޤާމެއްގައި ހުރެ ދެ މީހަކު އަންހެން ކުއްޖަކަށް ޖިންސީ ގޯނާ ކުރި މައްސަލައެއް

އިތުބާރު ކުރެވޭ މަޤާމެއްގައި ހުރެ ދެ މީހަކު 18 އަހަރުން ދަށުގެ އަންހެން ކުއްޖަކަށް ޖިންސީ ގޯނާ ކުރި މައްސަލައެއް ފުލުހުން ތަޙުޤީގު ކުރަން ފަށައިފިއެވެ. 

ދިވެހި ފުލުހުންގެ ޚިދުމަތުން ހާމަކުރައްވާ ގޮތުގައި، އިތުބާރު ކުރެވޭ ފަދަ މަޤާމެއްގައި ތިބި ދެ މީހަކު 2024 ވަނަ އަހަރާއި އޭގެ ދެ އަހަރު ކުރިން 18 އަހަރުން ދަށުގެ އަންހެން ކުއްޖަކަށް ޖިންސީ ގޯނާ ކުރި ކަމަށް ތުހުމަތު ކުރެވޭ މައްސަލައެއް މިއަހަރުގެ ޖަނަވަރީ މަހުގެ 20 ވަނަ ދުވަހު ހުށަހަޅާފައިވާ ކަމަށެވެ. މިމައްސަލައާއި ގުޅިގެން މިހާތަނަށް މީހަކު ހައްޔަރު ކޮށްފައެއް ނުވެއެވެ.

ފުލުހުން ވިދާލުވީ، މި ޙާދިސާ ހިނގާފައި (ނ،ރ،ބ،ޅ) ގައި ހިމެނޭ ރަށެއްގައި ކަމަށެވެ. އަދި މިމައްސަލަ އިތުރަށް ތަޙުޤީގު ކުރައްވަމުން ގެންދަވާ ކަމަށްވެސް ފުލުހުން ވިދާޅުވިއެވެ.