ޚަބަރު
ލަންކާގެ ބޮޑުވަޒީރު އަދި ރައީސްއާއި ބައްދަލު ކުރެއްވުމަށް ޚާރިޖީ ވަޒީރު ވަޑައިގަންނަވަނީ

ޚާރިޖީ ވަޒީރު ޑރ.ޢަބްދުﷲ ޚަލީލް ފޮޓޯ: ސޯޝަލް މީޑީއާ

ފަރުދުން
18 ފެބްރުއަރީ 2025، 12:19
18 ފެބްރުއަރީ 2025، 12:19
ރަސްމީ ދަތުރުފުޅެއްގައި ޚާރިޖީ ވަޒީރު ޑރ. ޢަބްދުﷲ ޚަލީލް ސްރީލަންކާއަށް ވަޑައިގަންނަވަން ނިންމަވައިފިއެވެ.
މި ދަތުރުފުޅަކީ ލަންކާގެ މިނިސްޓަރ އޮފް ފޮރިން އެެފެއަރ، ފޮރިން އެމްޕްލޯއިމެންޓް އެންޑް ޓުއަރިޒަމް ވިޖިތަ ހެރަތުގެ ދައުވަތަކަށް ކުރައްވާ ދަތުރުފުޅެކެވެ. ތިން ދުވަހުގެ މި ދަތުރުފުޅު ކުރިއަށްދާނީ މިއަދުން ފެށިގެން މިމަހުގެ 21 ގެ ނިޔަލަށެވެ.
ޚާރިޖީ ވަޒީރުގެ މި ދަތުރުފުޅުގައި އެ ޤައުމުގެ ރައީސް އަނުރަ ކުމާރަ ދިސާނަޔަކައާއި، ބޮޑުވަޒީރު ޑރ. ހަރީނީ އަމަރަސޫރިޔެއާ ބައްދަލުކުރެއްވުމަށް ވަނީ ހަމަޖެހިފައެވެ. މީގެ އިތުރުން އެ ޤައުމުގެ ޚާރިޖީ ވަޒީރު ވިޖިތަ ހެރަތުއާއެކު ރަސްމީ މަޝްވަރާތައްކުރެއްވުމަށް ވަނީ ހަމަޖެހިފައެވެ.
އެމަނިކުފާނުގެ މި ދަތުރުފުޅުގައި ލަންކާގައި ދިރިއުޅޭ ދިވެހިންނާއި ބައްދަލުކުރުމަށްވެސް ވަނީ ހަމަޖެހިފައެވެ. އަދި އަމިއްލަ ބައެއް ފަރާތްތަކާއެކު ބައްދަލުކުރައްވާ ގުޅިގެން މަސައްކަތް ކުރުމުގެ މަޝްވަރާތައް ކުރިއަށްގެންދާނެ ކަމަށް ވިދާޅުވެއެވެ.