ޚަބަރު
'ހާލު ކިހިނެއް؟' ޕްރޮގްރާމް ށ ފުނަދޫގައި ފަށައިފި

ށ ފުނަދޫގައި ކުރިއަށްދާ 'ހާލު ކިހިނެއް؟' ޕްރޮގްރާމުގައި އިޖުތިމާއީ އަދި އާއިލީ ތަރައްޤީއާއި ބެހޭ ވަޒީރު އައިޝަތު ޝިހާމް ބައިވެރިވެވަޑައިގަތުން- ފޮޓޯ: އިޖުތިމާއީ އަދި އާއިލީ ތަރައްޤީއާއި ބެހޭ ވުޒާރާ
އިޖުތިމާޢީ އަދި ޢާއިލީ ތަރައްޤީއާ ބެހޭ ވުޒާރާއިން ކުރިއަށް ގެންދާ "ޙާލު ކިހިނެއް؟" ޕްރޮގްރާމު ށ.ފުނަދޫގައި ފަށައިފިއެވެ.
'ހާލު ކިހިނެއް؟' ޕްރޮގްރާމު މިއަދު އެރަށުގައި ފަށާފައިވާއިރު، މި ޕްރޮގްރާމުގެ ދަށުން ގޭގެއަށް ޒިޔާރަތްކޮށް، ޢާއިލާތަކާއި ވަކި ވަކި ފަރުދުންނަށް ދިމާވެފައިވާ އިޖުތިމާޢީ މައްސަލަތަކާއި، އެހީތެރިކަން ބޭނުންވާ ދާއިރާތައް ދެނެގަނެ، އެކަންކަމަށް ޙައްލު ހޯދައިދިނުމަށް މަސައްކަތް ކުރެވޭނެ ކަމަށް އިޖުތިމާޢީ އަދި ޢާއިލީ ތަރައްޤީއާ ބެހޭ ވުޒާރާއިން ބުނެފައިވެއެވެ.
2 ދުވަހުގެ މުއްދަތަށް ކުރިއަށް ގެންދާ މި ޕްރޮގްރާމުގައި އެ ވުޒާރާގެ ޓީމުތަކުން ފުނަދޫގެ ގެތަކަށް ޒިޔާރަތްކޮށް ރައްޔިތުންގެ ހާލު ބަލައި، ނާޒުކު ހާލަތްތަކުގައި ދިރިއުޅޭ ފަރާތްތައް ދެނެގަތުމުގެ މަސައްކަތް ކުރިއަށް ގެންދާނެެއެވެ. މި ޓީމުތަކާއެކު އިޖުތިމާއީ އަދި އާއިލީ ތަރައްޤީއާއި ބެހޭ ވަޒީރު އައިޝަތު ޝިހާމްވެސް ވަނީ ބައިވެރިވެވަޑައިގެންފައެވެ.
<blockquote class="twitter-tweet"><p lang="dv" dir="rtl">މިވުޒާރާގެ 'ހާލު ކިހިނެއް؟' ޕްރޮގްރާމް ށ ފުނަދޫގައި ފަށައިފިއެވެ. <br><br>'ހާލު ކިހިނެއް؟' ޕްރޮގްރާމްގެ ދަށުން ގޭގެއަށް ޒިޔާރަތްކޮށް، ޢާއިލާތަކާއި ވަކި ވަކި ފަރުދުންނަށް ދިމާވެފައިވާ އިޖުތިމާޢީ މައްސަލަތަކާއި، އެހީތެރިކަން ބޭނުންވާ ދާއިރާތައް ދެނެގަނެ، އެކަންކަމަށް ޙައްލު… <a href="https://t.co/u9dmPmUuZW">pic.twitter.com/u9dmPmUuZW</a></p>— Ministry of Social and Family Development (@MSFDmv) <a href="https://twitter.com/MSFDmv/status/1891896007815987259?ref_src=twsrc%5Etfw">February 18, 2025</a></blockquote> <script async src="https://platform.twitter.com/widgets.js" charset="utf-8"></script>
އިޖުތިމާޢީ އަދި ޢާއިލީ ތަރައްޤީއާ ބެހޭ ވުޒާރާއިން ކުރިއަށް ގެންދާ "ޙާލު ކިހިނެއް؟" ޕްރޮގްރާމަކީ ރާއްޖޭގެ އާބާދީގައި މީހުން ދިރިއުޅޭ ހުރިހާ ރަށެއްގެ ގޭބީސީތަކަށް ޒިޔާރަތްކޮށް ދައުލަތުގެ ޚާއްސަ އެހީތެރިކަމާއި ރައްކާތެރިކަން ބޭނުންވާ ފަރާތްތައް ދެނެގަތުމާއި ދައުލަތުގެ ރައްކާތެރިކަމުގެ ވިއުގައިން އެއްވެސް މީހަކު ހަވާސާނުވެ ރައްކާތެރިކަން ލިބޭކަން ކަށަވަރުކުރުމަށް ކުރިއަށްގެންދާ ޕްރޮގްރާމެކެވެ.
މިހާތަނަށް މި ޕްރޮގްރާމުގެ ދަށުން 11000 އަށްވުރެ ގިނަ ގޭބީސީއަށް ވަނީ ޒިޔާރަތްކޮށްފައެވެ. އަދި މިއަހަރު މުޅި ރާއްޖެއަށް މި ޕްރޮގްރާމް ފުޅާކުރުމަށް އިޖްތިމާއީ އަދި އާއިލީ ތަރައްޤީއާ ބެހޭ ވުޒާރާއިން ގެންދަނީ މަސައްކަތްކުރަމުންނެވެ.