Ads by Exprox

ޚަބަރު

"ރޯދަ ސާފު"ގެ ނަމުގައި ހުޅުމާލެ ސާފުކުރުމުގެ ޕްރޮގުރާމެއް ފަށައިފި

"ރޯދަ ސާފު"ގެ ނަމުގައި  ހުޅުމާލެ ސާފުކުރުމުގެ ޕްރޮގުރާމެއް ފަށައިފި

"ރޯދަ ސާފު" ޕްރޮގްރާމުގެ ތެރެއިން- ފޮޓޯ: އެޗްޑީސީ

farudhun logo

ފަރުދުން

21 ފެބްރުއަރީ 2025، 04:17

21 ފެބްރުއަރީ 2025، 04:17

ކުރިއަށް އޮތް ރަމަޟާން މަހަށް ތައްޔާރުވުމުގެ ގޮތުން ހައުސިންގ ޑިވޮލޮޕްމަންޓް ކޯޕަރޭޝަން (އެޗްޑީސީ)ން "ރޯދަ ސާފު"ގެ ނަމުގައި ހުޅުމާލެ ސާފުކުރުމުގެ ހަރަކާތެއް ފަށައިފިއެވެ.


އެޗްޑީސީން ވިދާޅުވީ، ރޯދަ ސާފު ޕްރޮގްރާމަކީ ހުޅުމާލޭގައި ޤާއިމް ވެފައިވާ މުވައްސަސާ ތަކާއި ޖަމާޢަތްތައް ގުޅިގެން"ދުނިޔެ މަގޭ ރައްކާތެރިކޮށް ދެމެހެއްޓުމަށް" ބާއްވާ ޕްރޮގްރާމެއް ޖަމަށެވެ. މި ޕްރޮގްރާމް ރޯދަމަސް ފެށުމާއި ހަމައަށް "އެޗްޑީސީއާއެކު" ކުރިއަށް ދާނެކަމަށްވެސް އެ ކޯޕަރޭޝަނުން ވިދާޅުވެފައި ވެއެވެ.

ހަމަ އެއާއެކު މިވަގުތު ހުޅުމާލޭގެ އެކިއެކި ސަރަހައްދުތަކަށް، ޚާއްސަކޮށް ކުނިތައް ނަގާ ސާފުކުރުމަށް ކުރިއަށް ގެންދާ ހަރަކާތުގައި ގިނައިން ކުނި ޖަމާވެފައިވާ ސަރަހައްދުތައް ސާފުކުރުން ކުރިއަށްދާނެކަމަށްވެސް ވިދާޅުވިއެވެ. އެޗްޑީސީގެ އަމާޒަކީ ހުޅުމާލެ އަކީ ސާފުތާހި ހުރިހާ އުމުރު ފުރާއެއްގެ މީހުންނަށްވެސް އަމާން ތަނަކަށް ހެދުމެވެ.

އެޗްޑީސީން ޚާއްޞަ ދުވަސް ތަކާއި ގުޅުވައިގެން ސާފުކުރުމުގެހަރަކާތްތައް ކުރިއަށް ގެންދެއެވެ. އެގޮތުން މިފަހަރުގެ ސާފު ކުރުމުގެ ހަރަކާތަކީ ރޯދަ މަހަށް ތައްޔާރުވުމުގެ ގޮތުން ކުރިއަށްގެންދާ ސާފުކުރުމުގެ ހަރަކާތެކެވެ.

ސާފުކުރުމުގެ ހަރަކާތުގެ އިތުރުން އެޗްޑީސީއިން ވަނީ ރަމަޟާން މަހަށް ތައްޔާރުވުމުގެ ގޮތުން ބޭނުން ކުރެވޭފަދަ ތަކެތި ހަދިޔާކުރުމާއި، ބޭނުންޖެހިފައިވާ ފަރާތްތަކަށް ތަކެތި ފޯރުކޮށްދީ އެހީތެރިވުމަށް ބާރު އެޅުމުގެ ގޮތުން "އެއްގެއިން އަނެއްގެއަށް" ގެ ނަމުގައި ޚާއްސަ ހަރަކާތެއް ކުރިއަށްގެންގޮސްފައެވެ. މި ހަރަކާތަކީ ރަމަޟާންމަހާއި ދިމާކޮށް އިސްރާފުކުރުން މަދުކުރުމާއި ރަށްވެހިކަމުގެ ގުޅުން އާލާކުރުމުގެ މަޤްސަދުގައި، މިމަހުގެ ފުރަތަމަ ދުވަހުން ފެށިގެން 16 ވަނަދުވަހުގެ ނިޔަލަށް ކުރިއަށް ގެންދިޔަ ހަރަކާތެއްކަމަށް އެކޯޕަރޭޝަނުން ވިދާޅުވިއެވެ.

މި ލިޔުން ކިޔާލުމުން

Ads by MSS