Ads by Exprox

ޚަބަރު

މާހެފުމަކީ ދީނީ އަޅުކަމެއްގެ ގޮތުން ކުރާ ކަމެއްނޫންވީމާ ބިދުޢައަކަށް ނުވާނެ - ޑރ ޝަހީމް

މާހެފުމަކީ ދީނީ އަޅުކަމެއްގެ ގޮތުން ކުރާ ކަމެއްނޫންވީމާ ބިދުޢައަކަށް ނުވާނެ - ޑރ ޝަހީމް

އިސްލާމީ ކަންތައްތަކާބެހޭ ވަޒީރު ޑރ މުޙައްމަދު ޝަހީމް ޢަލީ ސަޢީދު

farudhun logo

ފަރުދުން

21 ފެބްރުއަރީ 2025، 04:16

21 ފެބްރުއަރީ 2025، 04:16

ރަމަޟާން މަހުގެ ކުރިން މާހެފުމަކީ ރާއްޖޭގެ ސަޤާފަތުގެ ތެރޭގައި އޮތް އިޖްތިމާޢީ އާދައެއް ކަމަށާއި އެއީ ދީނީ އަޅުކަމެއްގެ ގޮތުން ކުރާ ކަމެއްނޫން ކަމުން މާހެފުމަކީ ބިދުޢައަކަށް ނުވާނެ ކަމަސް އިސްލާމީ ކަންތައްތަކާބެހޭ ވަޒީރު ޑރ. މުޙައްމަދު ޝަހީމް ޢަލީ ސަޢީދު ވިދާޅުވެއްޖެއެެވެ. 

ޑރ. ޝަހީމް މިހެން ވިދާޅުވީ މާހެފުމާ ގުޅޭގޮތުން ޚިލާފް އުފެދި ސޯޝަލް މީޑިއާގައި ތަފާދު ވާހަކަތައް ދެކެވެމުން ދިއުމާއި ގުޅިގެން ކަމަށް ބެލެވެއެވެ. ޝަހީމް ވިދާޅުވީ މާހެފުމުގެ ތެރޭގައި ޝަރުޢުގައި މަނާކުރައްވާފައިވާކަމެއް ނުކުރާހާ ހިނދަކު އެކަމަކީ ޖާއިޒުކަމެއް ކަމުގައެވެ.

ހަމަ އެއާއެކު ރަމަޟާން މަހަށް އިސްތިޤުބާލުކުރުމުގެ ގޮތުން ތަންތަން ކުނިކަހައި ސާފުތާހިރުކުރުމާއި ގެދޮރު ޒީނަތްތެރިކުރުމަކީ ރިވެތި އާދައެއް ކަމަށާއި ރަމަޟާން މަހަށް އިސްތިޤުބާލުކުރުމުގެ ގޮތުން މުސްލިމަކު ކުރާނެ އެންމެ ހެޔޮ ޢަމަލަކީ އިޚުލާޞްތެރިވުމާއި މަޢާފްކުރުމާއި ތައުބާވުމާއި އަޅުކަމަށް ތައްޔާރުވުން ކަމަށްވެސް ވިދާޅުވިއެވެ. ޝަހީމް އިތުރަށް ވިދާޅުވީ ރަމަޟާންމަހުގެ ދުވަސްތަކަކީ އަޅުކަމުގެ ސަވާބު އިތުރުކުރައްވާ ބަރަކާތްތެރި ދުވަސްތަކެއް ކަމުގައެވެ. 

މި ލިޔުން ކިޔާލުމުން

Ads by MSS