ކުޅިވަރު

ރާއްޖޭގައި އީ-ސްޕޯޓްސް އެރީނާއެއް އެޅުމުގެ މަސައްކަތް މި އަހަރު ކުރިޔަށްދާނެ: ވަޒީރު ރާފިޢު

ރާއްޖޭގައި އީ-ސްޕޯޓްސް އެރީނާއެއް އެޅުމުގެ މަސައްކަތް މި އަހަރު ކުރިޔަށްދާނެ: ވަޒީރު ރާފިޢު

އުރީދޫ ނޭޝަން ގޭމާސް ލޭންޑް 2025، ފޮޓޯ: އުރީދޫ

މިފްތާޙް މުޙައްމަދު

މިފްތާޙް މުޙައްމަދު

23 ފެބްރުއަރީ 2025، 04:38

23 ފެބްރުއަރީ 2025، 04:38

ރާއްޖޭގައި އީ-ސްޕޯޓްސް އެރީނާއެއް އެޅުމުގެ މަސައްކަތް މި އަހަރުގެ ބަޖެޓުގައި ހިމަނާފައިވާނެ ކަމަށާއި، އެ މަސައްކަތް މި އަހަރު ކުރިޔަށްދާނެކަމަށް، ކުޅިވަރާއި ހަށިހެޔޮކަމާއިބެހޭ ވަޒީރު އަބުދުﷲ ރާފިޢު ވިދާޅުވެއްޖެއެވެ. 

ރާއްޖޭގައި ބާއްވާ އެންމެ ބޮޑު ގޭމިން ފެސްޓިވަލް ކަމުގައިވާ، "އުރީދޫ ނޭޝަން ގޭމާސް ލޭންޑް 2025" ނިންމުމުގެ ރަސްމިއްޔާތުގައި ވާހަކަފުޅު ދައްކަވަމުން ވަޒީރު ވިދާޅުވީ، އީ-ސްޕޯޓްސްގެ ހުނަރު އިތުރަށް ކުރިއެރުވުމަށް އެ މަނިކުފާނު ބާރުއަޅުއްވާނެކަމަށެވެ. އަދި ޒުވާނުންނަށް މިފަދަ ފުރުސަތެއް ފަހިކޮށްދެއްވަމުން ގެންދަވާތީ ވަޒީރު ވަނީ އުރީދޫއަށް ޝުކުރު އަދާކުރައްވާފައެވެ.

ވަޒީރު އިތުރަށް ވިދާޅުވީ، ރާއްޖެއަކީ ހުރިހާ ކުޅިވަރެއް ބަލައިގަންނަ ޤައުމެއް ކަމަށާއި، އަދި ޑިޖިޓަލް އިނޮވޭޝަންގެ ތެރެއިން މުސްތަޤުބަލުގެ ވާދަވެރި އަދި މުނިފޫހިފިލުވުމުގެ ބައެއްގެ ގޮތުގައި އީ-ސްޕޯޓްސް ބަލައިގަންނަންޖެހޭކަމަށެވެ. 

މީގެ އިތުރުން، ގޭމިންއަކީ މިހާރު ހަމައެކަނި މުނިފޫހިފިލުވުމަށް ކުރާކަމެއް ނޫންކަމަށާއި، މިއީ މިހާރު "ގްލޯބަލް މިލިއަން ޑޮލަރު" އިންޑަސްޓްރީ އާއި ގުޅިފައިވާ ކަމެއްކަމަށް ވެސް ވަޒީރު ވިދާޅުވިއެވެ.

ވަޒީރު ވިދާޅުވީ، ރާއްޖޭގައި ބަދަލުވަމުންދާ އީ-ސްޕޯޓްސްގެ ދާއިރާ ފެންނަނީ ވަރަށް އުފާވެރިކޮށް ކަމަށާއި، ހުނަރުވެރި އިތުރު ޒުވާނުން އީ-ސްޕޯޓްސްގެ ތެރެއަށް ވަންނަމުންދާތަން ފެންނަ ކަމަށެވެ. އަދި ބައިނަލްއަޤްވާމީ މުބާރާތްތަކުގައި ވާދަކޮށް ރާއްޖޭގެ ގޭމަރސް ޤައުމަށް ރީތި ނަން ހޯދަމުން އަންނަ ކަމަށެވެ.

މި ލިޔުން ކިޔާލުމުން

Ads by MSS