އައްޑޫއިން ގެއްލުނު މީހާ ފެނިއްޖެ، ސިއްޚީ ޙާލަތު ބެލުމަށް ޞިއްޙީ މަރުކަޒަށް ގެންގޮސްފި

އައްޑޫ ސިޓީ ސ.މަރަދޫ އިން ގެއްލުނު މީހާ ދިރިއުޅޭގޭގެ ގޯޅިތެރޭގައި ވަކިން ހުންނަ ކޮޓަރިއަކުން ފެނިއްޖެއެވެ.

ފުލުހުން ވިދާޅުވީ އެމީހާ ފެނިފައިވަނީ އެމީހާ ދިރިއުޅޭގޭގެ ގޯޅިތެރޭގައި ވަކިން ހުންނަ ކޮޓަރިއަކުން މިއަދު ހަވީރު 17:05 ހާއިރު ކަމަށެވެ. އެމީހާގެ ޞިއްޙީ ޙާލަތު ބެލުމަށްޓަކައި މަރަދޫ ހެލްތު ސެންޓަރަަށް ގެންގޮސްފައިވާކަމަށްވެސް ފުލުހުން ވިދާޅުވިއެވެ. 

އެމީހާ ފެނިފައި މިވަނީ ސ. މަރަދޫ ފިރިހެނަކު ރޭ 19:00 ހާއިރު ގެއިން ނިކުމެގެން ދިޔަ ގޮތަށް ގެއަށް ނައިސް, އަދި އޭނާ ވީނުވީތަނެއްގެ މައުލޫމާތެއް އާއިލާއަށް ލިބިފައި ނުވާތީ އެ މައްސަލަ މިއަދު 13:30 ގައި ފުލުހުންނަށް ރިޕޯޓު ކޮށްފައިވާ ކަމަށާއި މި ކަމާ ގުޅިގެން ބަލަން ޖެހޭ ކަންކަން ބަލަމުން ދާ ކަމަށް ފުލުހުން ވިދާޅުވެފައި ވަނިކޮށެވެ.