މަގުމަތީގައި ބޭނުން ނުކޮށް ދުވަސްވެފައިހުރި 224 ސައިކަލް ނަގައިފި

މާލޭގެ މަގުމަތީގައި ގިނަ ދުވަސްވެ ބޭނުން ނުކޮށް ބަހައްޓާފައި ހުރި 224  ސައިކަލު ޓޯކޮށްފިއެވެ. 

މާލެ ސިޓީ ކައުންސިލުން ވިދާޅުވީ، އެ އުޅަނދުތައް ނެގީ މާލޭގެ މަގުތައް ސާފުތާހިރުކޮށް ބޭއްވުމަށާއި ހިތްފަސޭހަ ތަނަކަށް ހެދުމަށް ކުރަމުންދާ މަސައްކަތުގެ ދަށުން ކައުންސިލާއި ފުލުހުން ގުޅިގެންކަމަށެވެ. މިމަސައްކަތް ކުރިއަށް އޮތްތަނުގައިވެސް ކުރިއަށްގެންދިޔުމަށް ނިންމާފައިވާކަމަށާއި، އަވަސް މުސްތަޤުބަލެއްގައި ދުވަސްވެ ބާވެފައިވާ އުޅަނދުތައް މަގުތަކުން ނެގުމުގެ އިތުރު ހަރަކާތެއް ކުރިއަށްގެންދަވާނެކަމަށް ކައުންސިލުން ވިދާޅުވެއެވެ.

މާލެ ސިޓީ އަދި ހުޅުމާލޭ  މަގުތަކަކީ ސާފުތާހިރު ހިތްފަސޭހަ ތަނަކަށް ހެދުމަށް ކަމާ ގުޅުންހުރި އިދާރާތަކުން ދަނީ ގިނަގުނަ މަސައްކަތްތަކެއް ކުރައްވަމުންނެވެ. އެގޮތުން ހުސްބިންތައް ސާފުކުރުމާއި މަގުމަތީގައި ހުރި ދުވަސްވީ އުޅަނދުތައް ނަގާ މަގުމަތީގެ ރައްކާތެރިކަން ކަށަވަރުކުރުމަށް މަސައްކަތްކުރަމުންދެއެވެ.