ޤަތަރު ޗެރިޓީއިން އިސްލާމީ ކަންތައްތަކާ ބެހޭ ވަޒީރާއި ބައްދަލުކުރައްވައިފި

ޤަތަރު ޗެރިޓީއިން އިސްލާމީ ކަންތައްތަކާ ބެހޭ ވަޒީރު ޑރ. މުޙައްމަދު ޝަހީމް ޢަލީ ސަޢީދާއި ބައްދަލުކުރައްވައިފި އެވެ.

މި ބައްދަލުކުރެއްވުން ބާއްވާފައިވަނީ، މިދިޔަ ބުދަ ދުވަހު އިސްލާމީ ކަންތައްތަކާ ބެހޭ ވުޒާރާގައެވެ. މި ބައްދަލުކުރެއްވުމުގައި، އުރީދޫގެ މެނޭޖިންގ ޑިރެކްޓަރ ޚާލިދު އަލް ޙަމަދީއާއި އުރީދޫގެ ސީސީއޯ ހުސައިން ނިޔާޒް ވަނީ ބައިވެރިވެވަޑައިގެންފަ އެވެ.

މި ބައްދަލުވުމުގައި، އިސްލާމީ ކަންތައްތަކާ ބެހޭ ވުޒާރާއާއި ޤަތަރު ޗެރިޓީއާއި ގުޅިގެން ކުރިއަށް އޮތް ތަނުގައި ކުރެވޭނެ މަސައްކަތްތަކާއި ގުޅޭގޮތުން ވަނީ މަޝްވަރާކުރައްވާފަ އެވެ. މީގެ އިތުރުން، ފާއިތުވި އަހަރުތަކުގެ ރަމަޟާން މަހެކޭ އެއްފަދައިން މިއަހަރުގެ ރަމަޟާން މަހު ވެސް އުރީދޫގެ ފަރާތުން ކޮންމެ ހުކުރު ދުވަހަކު ސަލްމާން މިސްކިތުގައި ކުރިއަށް ގެންދާ ރޯދަ ވިއްލުން ކުރިއަށް ގެންދިއުމަށް ނިންމާފައިވާތީ، އެކަމާއި ގުޅޭ ގޮތުން އޫރިދޫގެ މެނޭޖިންގ ޑިރެކްޓަރާއި ވަނީ މަޝްވަރާ ކުރައްވާފައެވެ.

ޤަތަރު ޗެރިޓީ އިން އަންނަނީ ރާއްޖޭގައި ޓެލެކޮމިއުނިކޭޝަންގެ ވިޔަފާރީގައި ހަރަކާތްތެރިވުމުގެ އިތުރުން އެހެނިހެން އެހީތައް ވެސް ފޯރުކޮށްދެމުންނެވެ. އެގޮތުން، އުރީދޫއާއި ޤަތަރު ޗެރިޓީއާއި ގުޅިގެން ވަނީ ހުޅުމާލޭގެ މަސްޖިދުލް ޝައިޚް ޤާސިމް ބިން އަލްޘާނީ މިސްކިތް މަރާމާތުކުރުމަށްފަހު ޢާންމުންނަށް އަލުން ހުޅުވާލާފަ އެވެ.