Ads by Exprox

ޚަބަރު

ކެޓް ޝެލްޓަރއަށް ބުޅާތައް ގެންދަން ފަށައިފި

ކެޓް ޝެލްޓަރއަށް ބުޅާތައް ގެންދަން ފަށައިފި

މާލޭގެ މަގުމަތީގައި ބުޅަލެއް، ފޮޓޯ: ދަ އެޑިޝަން

މިފްތާޙް މުޙައްމަދު

މިފްތާޙް މުޙައްމަދު

28 ފެބްރުއަރީ 2025، 04:29

28 ފެބްރުއަރީ 2025، 04:29

މާލޭ ސަރަޙައްދުގައި އުޅޭ ބުޅާތައް ގިނަވުމުގެ ސަބަބުން، އެ ތަކެތި ބެލެހެއްޓުމަށް ހަދާފައިވާ ކެޓް ޝެލްޓަރ، "އޮޅުހިޔާ" ފެސިލިޓީއަށް މިއަދު ބުޅާތައް ގެންދަން ފަށައިފިއެވެ.

މި ފެސިލިޓީ ޤާއިމްކޮށްފައިވަނީ ހުޅުމާލެ ދެވަނަ ފިޔަވައްސާ ގުޅިފައި އޮތް ފަރުކޮޅުފުށީގައެވެ. މި ފެސިލިޓީ ނޮވެންބަރު މަހު ހުޅުވި ނަމަވެސް، މިއަދު ގެންދެވުނު ބުޅާތަކަކީ އެ ފެސިލިޓީއަށް ގެންދިޔަ ފުރަތަމަ ބުޅާތަކެވެ.

މިކަމާ ގުޅިގެން މިނިސްޓްރީ އޮފް އެގްރިކަލްޗަރ އެންޑް އެނިމަލް ވެލްފެއަރއިން "އެކްސް"ގައިކުރި ޕޯސްޓެއްގައި ބުނީ، އެ މިނިސްޓްރީން އޮޅުހިޔާ ފެސިލިޓީއާ ހަވާލުވިތާ 16 ގަޑިއިރުގެ ތެރޭގައި، އެ ތަނުގެ ކަރަންޓީން ފެސިލިޓީއަށް ބޭނުންވާ ވަސީލަތްތައް ޤާއިމްކޮށްފައިވާ ކަމަށެވެ. 

މީގެ އިތުރުން، މިއަދުގެ މެންދުރާ ހިސާބަށް 15 ބުޅާ އެ ތަނަށް ގެންގޮސްފައިވާކަމަށް ވެސް އެ ޕޯސްޓުގައި ވެއެވެ.

 "އޮޅު ހިޔާ" ފެސިލިޓީއާ ހަވާލުވެވުނުތާ އެންމެ 16 ގަޑިއިރުގެ ތެރޭގައި، އަޅުގަނޑުމެންގެ ޓީމުން ވަނީ އައު ކަރަންޓީނު ސަރަޙައްދަށް ބޭނުންވާ ވަސީލަތްތައް ޤާއިމުކޮށް އެންމެހާ ކަންކަން ފުރިހަމަކޮށްފައިއެވެ. އަދި މިހާތަނަށް، 15 ބުޅާ ވަނީ އެތަނަށް ގެނެވިފައެވެ.

މިނިސްޓްރީ އޮފް އެގްރިކަލްޗަރ އެންޑް އެނިމަލް ވެލްފެއަރއިން އެކްސްގައި ކުރި ޕޯސްޓުގައި ވެއެވެ.

މި ފެސިލިޓީ ކުރިން އޮތީ މާލޭ ސިޓީ ކައުންސިލްގެ ބެލުމުގެ ދަށުގައެވެ. ނަމަވެސް މިނިސްޓްރީ އޮފް އެގްރިކަލްޗަރ އެންޑް އެނިމަލް ވެލްފެއަރއިން އެ ފެސިލިޓީ ސަރުކާރާ ހަވާލުކުރުމަށް އެދުމުން، ޑިސެންބަރު މަހު އެތަން މިނިސްޓްރީއާ ހަވާލުކުރުމަށް މާލޭ ސިޓީ ކައުންސިލުން ނިންމިއެވެ. އަދި ސިޓީ ކައުންސިލުން މިގޮތަށް ނިންމީ، ފެސިލިޓީ އެޅުމަށް ކުރި ޚަރަދު އެގްރިކަލްޗާ މިނިސްޓްރީން ހޯދާގޮތަށެވެ. ނަމަވެސް އޭގެ ފަހުން މިނިސްޓްރީން އެތަނާ ހަވާލުވުން ލަސްވެގެން، ސިޓީ ކައުންސިލުން އެކަމުގެ ކަންބޮޑުވުން ފާޅުކޮށްފައިވެއެވެ. 

ބުޅާ ފެސިލިޓީގެ ޚިދުމަތް މިއަދު ފެށުނުއިރު، މިނިސްޓްރީ އޮފް އެގްރިކަލްޗަރ އެންޑް އެނިމަލް ވެލްފެއަރއިން ބުނީ، އެކަން ހާސިލް ކުރެވުނީ މިނިސްޓްރީގެ ޓާސްކް ފޯހުން ހުއްޓުމެއްނެތި ކުރި މަސައްކަތާއި، ހިތްވަރާއިއެކު އެއްބާރުލުން ދެއްވި އެންޖީއޯތަކުގެ މިންނެތް މަސައްކަތުގެ ސަބަބުން ކަމަށެވެ.

މި ލިޔުން ކިޔާލުމުން

Ads by MSS