މިފްކޯގެ އެމްޑީ އަދި ސީއީއޯގެ މަޤާމުން ޑރ.ވިޓާލީ ވަކިކުރައްވައިފި

މިފްކޯގެ މެނޭޖިން ޑިރެކްޓަރ އަދި ޗީފް އެގްޒެކްޓިވް އޮފިސަރ ކަމުގެ މަޤާމުގައި ހުންނެވި ޑރ. ވިޓާލީ ލިއުބިމޮވް މަޤާމުން ވަކިކުރައްވައިފިއެވެ.

ޕްރައިވަޓައިޒޭޝަން އެންޑް ކޯޕަރަޓައިޒޭޝަނުން ވިދާޅުވީ މިފްކޯގެ މެނޭޖިން ޑިރެކްޓަރުގެ މަޤާމުގައި ހުންނެވި ޑރ. ވިޓާލީ ލިއުބިމޮވް މިއަދު އެމަޤާމުން ވަކިކުރައްވާފައިވާކަމަށެވެ. މިފްކޯގެ ސީއީއޯގެ މަޤާމަށް ޑރ. ވިޓާލީ އައްޔަންކޮށްފައިވަނީ މިދިޔަ އަހަރުގެ ޑިސެމްބަރު މަހުގެ 9 ވަނަ ދުވަހުއެވެ.  އޭނާ އަކީ މިފްކޯއަށް އައްޔަންކުރެއްވި ފުރަތަމަ ބޭރުގެ މެނޭޖިން ޑިރެކްޓަރެވެ.

 ސްޓްރެޓީޖިކް ކްރައިސިސް މެނޭޖްމެންޓުގެ ދާއިރާގެ ސްޕެޝަލިސްޓް ވެފައިވާ ޑރ.ވިޓާލީ  މިދިޔަ އަހަރު އެ މަޤާމަށް  އައްޔަނުކުރައްވާފައިވަނީ، މިފްކޯގެ ސީއީއޯގެ މަގާމު ހުސްވެފައި އޮންނަތާ  ދުވަސްތަކަކަށްފަހުއެވެ. ޑރ.ވިޓާލީ ވަނީ ސްޓްރެޓީޖިކް ކްރައިސިސް މެނޭޖްމެންޓުގެ ދާއިރާއިން 20 އަހަރަށްވުރެ ގިނަ ދުވަހު ތަޖުރިބާ ހޯއްދަވާފައެވެ. މިފްކޯގެ ހިންގުން ވިޓާލީއާ ހަވާލުކުރި އިރު ސީއީއޯއެއް ހޯދުމަށް ދެ ފަހަރެއްގެ މަތިން މިފްކޯއިން އިއުލާނު ކޮށްފައިވެއެވެ.