އެވޮންއިން ފިޔަވަތީގައި ތިބި ކުދިންނަށް ރޯދަ ވީއްލުމަކާއި ސްކޫލަށް ބޭނުންވާ ތަކެތި ހަދިޔާކޮށްފި

ގިނަ ބައެއްގެ މަޤުބޫލުކަން ލިބިފައިވާ ފަރުނީޗަރ ވިއްކާ ކުންފުންޏެއް ކަމުގައިވާ "އެވޮން" އިން ހުޅުމާލޭގައި ހުންނަ ފިޔަވަތީގައި ތިބި ކުދިންނަށް ޚާއްޞަ ރޯދަ ވީއްލުމަކާއި ސްކޫލަށް ބޭނުންވާ ތަކެތި ހަދިޔާ ކޮށްފިއެވެ. 

އެވޮންގެ ސޯޝަލް މީޑިއާ ޕޯސްޓެއްގައި ބުނެފައި ވަނީ މި ރޯދަ މަހާއި ދިމާކޮށް ތަފާތު ގޮތަކަށް މާރކެޓިންގ ކުރިއަށް ގެންގޮސް، ނެރުނު ތަށި ސެޓު ތަކުގެ ސޭލްސް ރަނގަޅުވެފައިވާކަމަށެވެ. އަދި މިކަމާއި ގުޅިގެން ލިބުނު ފައިދާއިން ފިޔަވަތީގައި ތިބި ކުދިންނަށް ހަދިޔާ ދިނުމުގެ ޕްރޮގްރާމެއް ކުރިއަށް ގެންދާނެ ކަމަށްވެސް އެ ޕޯސްޓުގައި ބުނެފައިވެއެވެ. 

އެވޮންއިން ސޯޝަލް މީޑިއާގައި ކޮށްފައިވާ ޕޯސްޓު

އެވޮން އަކީ ފާއިތުވި 5 އަހަރު ތެރޭ ރާއްޖޭގައި ކޮލިޓީ ލަގްޒަރީ އަދި އަތްފޯރާ އަގުގައި ފަރުނީޗަރު ފޯރުކޮށްދިނުމުގެ ހިދުމަތް ދެމުން ގެންދިޔަ ކުންފުންޏެކެވެ. މިފަދަ ވިޔަފާރި ތަކުން އިސްނަގައިގެން މިކަހަލަ ޙާއްޞަ ކަންކަން ކުރިއަށް ގެންދިއުމަކީ ފާހަގަ ކޮށްލަން ޖެހޭކަމެކެވެ.

މި ޕްރޮގްރާމުގެ ދަށުން، ފިޔަވަތީގައި ތިބި ކުދިންނަށް ސްކޫލަށް ބޭނުންވާތަކެތި ހަދިޔާ ކުރެވުނެވެ. މި ހަރަކާތުގައި އެވޮންގެ މުވައްޒަފުންވެސް ބައިވެރިވެ، ކުދިންނާއެކު ވަގުތު ހޭދަކޮށް، ރޯދަވީއްލުމުގެ ޚާއްޞަ ހަފްލާއެއް ވަނީ ބާއްވާފައެވެ.

އެވޮން އިން ބުނީ ކުރިއަށް އޮތް ތަނުގައިވެސް މިފަދަ އިޖުތިމާޢީ ޒިންމާގެ ޕްރޮގްރާމްތައް ހިންގުމަށް ރޭވިފައިވާ ކަމަށެވެ. މި ހަރަކާތަކީ ވިޔަފާރިތަކުން އިޖުތިމާޢީ ޒިންމާ އަދާކުރުމުގެ މުހިންމުކަން ދައްކުވައިދޭ ރަނގަޅު މިސާލެއް ކަމުގައި ފާހަގަކުރެވެއެވެ.